ABŞ-li məşhur müğənninin üzərinə qaynar su töküldü: Ağır yanıqlarla səhnəyə çıxdı - FOTO

ABŞ-li məşhur müğənni Nikol Şerzinger Almaniyadakı konsertdən əvvəl ağır yanıqlar alıb. Oxu.Az-ın xəbərinə görə, bu barədə "Independent" nəşri yazıb. Məlumata görə, Nikol Şerzinger Düsseldorfda keçirilən "PCD Forever Tour" dünya turu çərçivəsində "Pussycat Dolls" qrupunun konsertinə hazırlaşırdı. Səhnəyə çıxmazdan bir saat əvvəl onun üzərinə qaynar su tökülüb və müğənni ciddi yanıq xəsarətləri alıb. 48 yaşlı müğənninin ayağında dizindən topuğuna qədər yanıqlar olduğu bildirilir. Buna baxmayaraq, Şerzinger səhnəyə çıxa bilib və qrup yoldaşları Eşli Roberts və Kimberli Uayatt ilə birlikdə turun Avropa hissəsini davam etdirib. O, qısa müddət sonra Amsterdamda da çıxış edib.
Pop qrupunun Böyük Britaniya və İrlandiyada ümumilikdə bir neçə konserti planlaşdırılıb və turun oktyabrın 13-də Londonun "O2 Arena"sında başa çatması gözlənilir. Hazırkı tur qrupun 2022-ci ildəki turunun və Şimali Amerikadakı son çıxışlarının əksəriyyətinin ləğv edilməsindən sonra konsert fəaliyyətinə qayıdışı kimi nəzərdə tutulub.