"Sabah"ın Çempionlar Liqasındakı ev oyunlarına vahid biletlər satışa çıxarıldı - Qiymətlər

"Sabah" futbol klubunun UEFA Çempionlar Liqasının Liqa mərhələsində keçirəcəyi ev oyunlarına vahid biletlər satışa çıxarılıb. Oxu.Az xəbər verir ki, bu barədə klubunun mətbuat xidmətindən məlumat verilib. Qeyd olunub ki, azarkeşlər bir bilet əldə etməklə Bakı Olimpiya Stadionunda komandanın "Slaviya" (Çexiya), "Borussiya" (Dortmund, Almaniya), "Barselona" (İspaniya) və "Napoli"yə (İtaliya) qarşı keçirəcəyi dörd qarşılaşmanı canlı izləyə biləcəklər. Biletlərin qiyməti 35-285 manat arasında dəyişir. Alınmış biletlərin geri qaytarılmayacağı, dəyişdirilməyəcəyi və bərpa edilməyəcəyi bildirilib. Biletlər yalnız QR-bilet formatında təqdim olunur. Biletdən istifadə etmək üçün azarkeşin iTicket.az mobil tətbiqində bileti əldə etdiyi hesabına daxil olması tələb olunur. QR-biletlər yalnız qarşılaşmaların keçiriləcəyi gün aktivləşdiriləcək.