Cəmiyyət
"Azəriqaz" rəhbərliyi Qaxda sakinlərlə görüşəcək
SOCAR-ın “Azəriqaz” İstehsalat Birliyinin baş direktorunun növbəti vətəndaş qəbulu avqustun 28-də saat 11:00-da Qax Rayon Heydər Əliyev Mərkəzində keçiriləcək.
Axar.az xəbər verir ki, bu barədə Azəriqaz İB-nin Mətbuat xidməti məlumat yayıb.
Məlumata görə, Qax şəhəri, Nəriman Nərimanov küçəsi 7 ünvanında baş tutacaq görüşdə Qax və Şəki rayonlarından olan sakinlərin müraciətləri dinləniləcək.
Qəbulda ünvanlanan müraciətlərin yalnız "Azəriqaz" İB-nin xidmət sahələrinə aid olması xahiş edilir.
Qəbula dair əlavə məlumat almaq istəyən şəxslər Zaqatala Regional Qaz İstismarı İdarəsinə (tel.: 050-845-99-51; 050-845-99-47) müraciət edə bilərlər.
Mənbə
axar.az
