100 faiz Ukraynanı dəstəkləyirik və... - Börnhem
Böyük Britaniya Rusiyanın Ukraynaya müdaxiləsi ilə mübarizədə Ukraynaya 100 faiz dəstək verməyə davam edəcək.
Axar.az xəbər verir ki, bu barədə Britaniya Baş naziri Endi Börnhem bildirib.
“Böyük Britaniya uzun müddətdir vəd etdiyi şeyi edir – Vladimir Putinin apardığı bu qanunsuz müharibədə Ukraynanı 100 faiz dəstəkləyir”, – Börnhem jurnalistlərə deyib.
O vurğulayıb ki, onun baş nazirliyi dövründə Böyük Britaniyanın Ukraynaya münasibətdə mövqeyi əvvəlki baş nazirlərin siyasəti ilə eyni olacaq:
“Biz Ukraynanın özünü müdafiə edə bilməsi üçün dəstək göstəririk və əvvəlki baş nazirlər dövründə bütün bu münaqişə boyunca Böyük Britaniyanın mövqeyi belə olub. Mənim dövrümdə də bu mövqe dəyişməz olaraq qalır. Biz yalnız yaxşı gündə dost olanlardan deyilik. Çətin günlərdə də Ukraynanın yanında olacağıq və bu, dəyişməyəcək”.
