Bərdədə zəncirvari qəza: Dörd nəfər xəsarət alıb - FOTO

Bərdə rayonunda baş verən yol-nəqliyyat hadisəsi nəticəsində xəsarət alan 4 nəfər (kişi) 13.08.2026-cı il tarixində saat 16:40-da Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub. Bunu Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyi (TƏBİB) deyib. Qeyd olunub ki, müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müalicələri davam etdirilir, vəziyyətləri orta ağırdır. 18:20 Bərdə rayonunda üç avtomobilin iştirakı ilə baş verən zəncirvari qəzada dörd nəfər xəsarət alıb. Oxu.Az "Report"a istinadla xəbər verir ki, hadisə Mingəçevir-Bəhrəmtəpə yolunun Bərdə rayonunun Mehdili kəndi ərazisindən keçən hissəsində qeydə alınıb. Qəza zamanı "Toyota Camry", VAZ-2107 və VAZ-21099 markalı minik avtomobilləri toqquşub. Zərbənin təsirindən "Toyota Camry" və VAZ-2107 aşaraq yolun sağ və sol kənarlarına düşüblər. Hadisə nəticəsində xəsarət alan dörd nəfər Bərdə Rayon Mərkəzi Xəstəxanasına çatdırılıb.
{{gallery}}