Dünya
Hindistanda eyni bölgədə pələng hücumunun 28-ci qurbanı: Fermeri öldürdü
Hindistanın Çandrapur şəhərində 55 yaşlı Rameş Kaşivara pələngin qurbanı olub. Oxu.Az bildirir ki, bu barədə "Times of India" nəşri məlumat yayıb. Məlumata görə, fermer əkin sahəsini suvarmaq üçün tarlasına gedib. Lakin həmin axşam evə qayıtmayıb və bundan narahat olan ailə üzvləri onu axtarmağa başlayıblar. Qohumları kişinin parçalanmış qalıqlarını tarlada aşkar ediblər. Hadisə yerinə gələn meşə departamentinin əməkdaşları Rameşin böyük ehtimalla pələng hücumuna məruz qaldığını bildiriblər. Kaşivara 2026-cı ilin əvvəlindən bəri Çandrapurda pələng hücumları nəticəsində həyatını itirən 28-ci şəxs olub.
Mənbə
oxu.az
