Bilgəhdə FACİƏ: 21 yaşlı oğlan dənizdə batdı

Paytaxtın Sabunçu rayonu, Bilgəh qəsəbəsində ən yaxın sularda xilasetmə məntəqəsindən 1 km aralı, dənizdə nəzarətsiz ərazidə bir nəfər batıb. Oxu.Az xəbər verir ki, bu barədə Fövqəladə Hallar Nazirliyi (FHN) məlumat yayıb. Bildirilib ki, məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub. Axtarışlar nəticəsində dalğıclar tərəfindən 2005-ci il təvəllüdlü Niyaz Vasif oğlu Pirməmmədovun meyiti suda tapılıb çıxarılaraq aidiyyəti üzrə təhvil verilib. Eyni zamanda, dalğıc-xilasedicilər tərəfindən həyata keçirilən operativ xilasetmə əməliyyatı sayəsində 2001-ci il təvəllüdlü Məhəbbət Şövkət oğlu Fətəliyev, 2000-ci il təvəllüdlü Sahil Bəhruz oğlu Mustafayev, 2001-ci il təvəllüdlü Elburus Zümrüd oğlu Cəlalov xilas ediliblər.