İdman
Tarixdə ilk: FIFA reytinqinin liderləri dünya çempionatının finalında qarşılaşacaqlar
Tarixdə ilk dəfə FIFA-nın reytinq cədvəlində ilk pillələrdə qərarlaşan iki komanda futbol üzrə dünya çempionatının finalında üz-üzə gələcək. Oxu.Az xəbər verir ki, bu barədə championat.com saytı məlumat yayıb. Bildirilir ki, FIFA milli komandalarının reytinq cədvəlini 1992-ci ildən açıqlamağa başlayıb. Hazırda sıralamada Argentina 1-ci, İspaniya isə 2-ci yerdədir. Bundan əlavə, DÇ-2026 Avropa və Amerika çempionlarının finalda görüşəcəyi ilk hadisə kimi də yadda qalacaq. İspaniya 2024-cü ildə qitə birinciliyinin, Argentina isə elə həmin il Amerika Kubokunun qalibi adını qazanıb. Qeyd edək ki, iyulun 19-da DÇ-2026-nın final oyununda İspaniya və Argentina komandaları qarşılaşacaq.
Mənbə
oxu.az
