ABŞ Ukraynaya "Patriot" sistemlərinin istehsalı üçün lisenziya verəcək

ABŞ Ukraynaya "Patriot" zenit-raket komplekslərinin istehsalı üçün lisenziya verəcək. Oxu.Az xəbər verir ki, bu barədə ABŞ Prezidenti Donald Tramp Ankarada keçirilən NATO sammiti çərçivəsində Ukrayna Prezidenti Volodimir Zelenski ilə görüşü zamanı bildirib. * Tramp: "Ukraynanın Rusiyaya zərbələri müharibənin bitməsinə kömək edə bilər" * Trampdan MÜHARİBƏ ANONSU "Biz sizə "Patriot" istehsalı üçün lisenziya verəcəyik. Bu, kifayət qədər yaxşı fürsətdir", - deyə Tramp qeyd edib. Bununla yanaşı, ABŞ Prezidenti yaxın vaxtlarda Ukraynaya birbaşa "Patriot" kompleksləri üçün hazır raketlərin tədarük edilməsi ehtimalını faktiki olaraq istisna edib. O, bu silahların hazırda ABŞ-nin öz müdafiəsi üçün də zəruri olduğunu vurğulayıb: "Bizdə "Patriot" var, lakin onların sayı çox deyil. Həmin silahlar özümüzə də lazımdır".