Cəmiyyət
ADY-də yeni təyinat: Fərid Hüseynova vəzifə verildi
"Azərbaycan Dəmir Yolları" (ADY) Qapalı Səhmdar Cəmiyyətində daha bir yeni təyinat olub. Oxu.Az-ın məlumatına görə, bu barədə qurumun İdarə Heyətinin sədri Rövşən Rüstəmov əmr imzalayıb. Əmrə əsasən, Fərid Vidadi oğlu Hüseynov ADY-nin Təchizat və təsərrüfat departamentinin Satınalma şöbəsinin böyük mütəxəssisi vəzifəsindən azad edilərək qurumun Satınalma şöbəsinin qrup rəhbəri postuna təyin edilib. Qeyd edək ki, F.Hüseynov 2018-ci ildən ADY-də müxtəlif vəzifələrdə çalışır.
Mənbə
oxu.az
