Gənc media nümayəndələri SOCAR-ın yaşıl enerji planı ilə tanış oldular - FOTO

İyulun 2-də Enerji Dialoqu Platforması çərçivəsində SOCAR-ın "Eko-park"ında gənc media nümayəndələri üçün məlumatlandırma sessiyası keçirilib. Oxu.Az xəbər verir ki, bu barədə SOCAR məlumat yayıb. Bildirilib ki, sessiyada SOCAR-ın Ətraf mühit ilə bağlı məlumatların açıqlanması və əlaqələrin idarə edilməsi Departamentinin rəisi Mustafa Qurbanlı təqdimatla çıxış edərək etibarlı və dayanıqlı enerji təchizatçısı kimi SOCAR-ın dekarbonizasiya strategiyası çərçivəsində görülən işlər, həyata keçirilən layihələr və qarşıya qoyulan hədəflər barədə məlumat verib. "SOCAR Green" şirkətinin baş direktorunun müşaviri Elnar Mehdizadə çıxışında SOCAR-ın yaşıl enerji gündəliyindən və beynəlxalq tərəfdaşlarla birgə icra olunan layihələrdən bəhs edib. Sonra media nümayəndələrini maraqlandıran suallar cavablandırılıb. Daha sonra jurnalistlər "Eko-park"ın ərazisi ilə tanış olub, burada görülən işlər barədə məlumatlandırılıblar.
{{gallery}}