NATO sammitlərində qəbul edilən bütün qərarların... - Fidan
22 ildən sonra Türkiyə yenidən NATO sammitinə ev sahibliyi edir. NATO liderlərinin əvvəlki görüşü 2004-cü ildə keçiriləndə Rəcəb Tayyib Ərdoğan Türkiyənin Baş naziri idi və ölkəyə gələn qonaqları qarşılayırdı. Bu gün isə o, son dərəcə mühüm əhəmiyyət daşıyan növbəti NATO sammitinə yenidən ev sahibliyi edəcək.
Axar.az xəbər verir ki, bu açıqlama ilə Türkiyənin xarici işlər naziri Hakan Fidan çıxış edib.
Hakan Fidan NATO sammitlərində qəbul edilən bütün qərarların həyata keçirilməsinin vacibliyini də qeyd edib:
“Ankara sammitində Alyansın son iki toplantısında qəbul edilmiş qərarların necə icra olunduğu da müzakirə olunacaq. Xüsusilə, yükün bölüşdürülməsi prinsipi və NATO üzvlərinin təhlükəsizliyin təmin edilməsinə praktiki birgə töhfə məsələsinə yenidən baxılacaq”.
