Messi MLS-in ulduzlar oyununa dəvət aldı

Argentinalı futbol ulduzu Lionel Messi MLS-in ulduzlar oyunu üçün açıqlanan heyətə daxil edilib. Oxu.Az xəbər verir ki, bu barədə MLS-in rəsmi saytında məlumat verilib. İyulun 29-da Şimali Karolina ştatının Şarlott şəhərindəki "Bank of America" stadionunda keçiriləcək qarşılaşmada MLS ulduzları Meksika çempionatının ulduzlar komandası ilə üz-üzə gələcəklər. Heyətdə yer alan futbolçular: Qapıçı: Brayan Şveyk ("Neşvill"). Müdafiəçilər: Entoni Markaniç ("Minnesota Yunayted"), Mbekezeli Mbokazi ("Çikaqo Fayr"), Tim Rim ("Şarlott"), Endi Naxar ("Neşvill"). Yarımmüdafiəçilər: Sebastyan Berhalter ("Vankuver Uaytkeps"), Zavyer Qozo ("Real Solt Leyk"), Hani Muxtar ("Neşvill"). Hücumçular: Uqo Keypers ("Çikaqo Fayr"), Son Hın Min ("Los-Anceles"), Lionel Messi ("İnter Mayami"). MLS ulduzlar komandasının baş məşqçisi, "Şarlott" klubunu çalışdıran Din Smit daha 13 futbolçu seçəcək. Daha iki oyunçu ilə bağlı qərarı isə liqanın komissarı Don Qarber verəcək.