Ukrayna üçün nəzərdə tutulan 90 milyard avroluq yardımın ilk tranşı təxirə salındı

Avropa Komissiyası Kiyevə Macarıstan və Slovakiya tərəfindən bloklanmış 90 milyard avrodan ilk maliyyələşdirmə tranşlarını ödəmək planlarını 2026-cı ilin ikinci yarısına qədər təxirə salıb. Oxu.Az xəbər verir ki, bu barədə Avropa Komissiyasının nümayəndəsi Bala Uyvari Brüsseldə keçirilən brifinqdə məlumat verib. "Avropa Komissiyası bu proqram çərçivəsində ilk ödənişləri ikinci yarımildə təqdim etmək planlarına sadiq qalır", - deyə o, Viktor Orbanın məğlubiyyətinin Ukrayna üçün nəzərdə tutulan 90 milyard avroluq proqramını sürətlə blokdan çıxarmağa imkan verib-verməyəcəyi ilə bağlı sualı cavablandırarkən bildirib. Qeyd edək ki, bundan əvvəl Avropa Komissiyası Kiyevə ilk vəsaitlərin 2026-cı ilin aprelində köçürülməsinin zəruriliyini bəyan edib.