Ruandanın çempionluğunda Azərbaycanın payı

"FIFA Series-2026" beynəlxalq turnirinin həlledici final matçında Ruanda və Estoniya milli komandaları üz-üzə gəliblər. Oxu.Az xəbər verir ki, rəqibini 2:0 hesabı ilə məğlubiyyətə uğradan Afrika təmsilçisi bu nüfuzlu turnirin çempionu adını qazanıb. Çempion komandanın heyətində Azərbaycan Premyer Liqasında top qovan legionerlərimiz də yer alıblar. Belə ki, "Zirə" klubunun şərəfini qoruyan Anje Mutsinzi və Leyor Mikels, eləcə də "Sabah"ın üzvü Coy Lens Mikels bu vacib qarşılaşmaya ilk dəqiqələrdən start veriblər. "Karvan-Yevlax"ın formasını daşıyan Coy Slayd Mikels isə matçın 79-cu dəqiqəsində ehtiyat oyunçular skamyasından meydana daxil olub. Coy Lens Mikels Ruanda millisinin ilk qolunun məhsuldar ötürməsi ilə yadda qaldığı halda, Leroy Mikels rəqib qapısından keçirilən ikinci topun müəllifi olub. Məhz bu parlaq çıxışına görə o, final qarşılaşmasının ən yaxşı oyunçusu adına layiq görülüb.