"Real Madrid" - "Mançester Siti" və PSJ - "Çelsi" matçları hansı kanallarda yayımlanacaq?

Bu axşam UEFA Çempionlar Liqasında 1/8 final mərhələsinin növbəti oyunları keçiriləcək. Oxu.Az xəbər verir ki, gecənin ilk qarşılaşmasında "Bayer Leverkuzen" Almaniyada İngiltərənin "Arsenal" klubunu qəbul edəcək. İzləyicilər "Bayer Leverkuzen" - "Arsenal" oyununu İctimai TV-də izləyə biləcəklər. Günün digər maraqlı qarşılaşmalarında isə "Real Madrid" "Mançester Siti" ilə, PSJ isə "Çelsi" ilə üz-üzə gələcəklər. "Real Madrid" - "Mançester Siti" qarşılaşması "CBC Sport" kanalında, PSJ - "Çelsi" qarşılaşması isə İctimai TV-də canlı yayımlanacaq. UEFA Çempionlar Liqası 1/8 final mərhələsi 11 mart Saat 21:45, "Bayer Leverkuzen" - "Arsenal" (İctimai TV). 12 mart Saat 00:00, "Real Madrid" - "Mançester Siti" ("CBC Sport" TV); Saat 00:00, PSJ - "Çelsi" (İctimai" TV).