Aİ daxilində kəşfiyyat paylaşımına nəzarət: Avropa Komissiyası planlarını dəyişdi

Avropa Komissiyasının (AK) prezidenti Ursula fon der Lyayen, Avropa İttifaqının (Aİ) xarici siyasət rəhbəri Kaya Kallasla fikir ayrılığından sonra Aİ daxilində kəşfiyyat paylaşımı üzərində nəzarəti gücləndirmək üçün təşəbbüslərini dəyişdirib. Oxu.Az xəbər verir ki, bu barədə "Politico" müzakirələrlə tanış olan dörd məmura istinadən məlumat yayıb. Nəşrin məlumatına görə, AK yeni kəşfiyyat bölməsini yaratmaq planlarını azaldıb. Yeni struktur, əsasən, təhlükəsizlik məsələlərinə fokuslanacaq, kəşfiyyat paylaşımı isə Avropa Xarici Fəaliyyət Xidmətinin (INTCEN) mərkəzinə veriləcək. Mənbələr bunu Kallasa kəşfiyyat üzərində daha çox nəzarət imkanı yaratmaqla izah edirlər. Əvvəl plan AK katibliyi altında fəaliyyət göstərərək Aİ kəşfiyyat icmalarının məlumat toplama və təhlilini birləşdirmək nəzərdə tutulmuşdu. Artan gərginlik fonunda Kallas, hətta fon der Lyayenə qarşı sərt qiymətləndirmələrə də yol verib.