Digər
Niderlandda güclü partlayış baş verdi
Niderlandın Utrext şəhərinin mərkəzində (eyni adlı əyalətin paytaxtı) güclü partlayış baş verib.
Axar.az xəbər verir ki, bu barədə “RTL Utrext”in məlumatında deyilir.
Partlayışdan sonra ərazidə böyük yanğın başlayıb.
Partlayışın episentrinə yaxın binalarda pəncərələrin sındığı, yol və səkilərin dağıntılarla dolu olduğu bildirilir. Bir neçə bina alov içindədir. Hadisə yerinə təcili yardım maşınları və tibbi helikopterlər göndərilib.
Hadisənin başvermə səbəbləri araşdırılır.
Təhlükəsizlik səbəbindən ərazi mühasirəyə alınıb və şəhərin bir neçə mərkəzi küçəsi bağlanıb.
Mənbə
axar.az
