Gülben Ergen Azərbaycanda uşaq bağçası açmaq istəyir

Türkiyəli müğənni Gülben Ergen Azərbaycanda uşaq bağçası açmaq istədiyini açıqlayıb. Oxu.Az Axşam.az-a istinadən xəbər verir ki, sənətçi bunu Bakı Konqres Mərkəzində keçirilən konserti zamanı jurnalistlərə müsahibəsində bildirib. O, "Çocuklar Gülsün Diye" adlı uşaq bağçasını Azərbaycanda da açmağı arzuladığını etiraf edib: "Bir gün "Uşaqlar gülsün deyə" bağçasını Azərbaycanda açaram, inşallah. Nə gözəl olar. Bunun üçün Türkiyə və Azərbaycan təhsil nazirlikləri birgə protokol imzalayıb mənə icazə verməlidirlər. Uşaqları o qədər sevirəm ki, onların gülməsi üçün dünyanın hər bir yerinə gedərəm". Qeyd edək ki, Gülben Ergenin qurucusu və rəhbəri olduğu "Çocuklar Gülsün Diye" dərnəyi indiyədək Türkiyədə 60 uşaq bağçası açıb.