Siyasət
Yeni icra başçısı kollektivə təqdim edildi - Foto
Yardımlı Rayon İcra Hakimiyyətinin yeni başçısı kollektivə təqdim edilib. Oxu.Az AZƏRTAC-a istinadla xəbər verir ki, dövlət başçısının sərəncamı ilə Yardımlı Rayon İcra Hakimiyyətinin başçısı təyin olunan Orxan Fərmayıl oğlu Məmmədov bu gün Azərbaycan Respublikası Prezidentinin köməkçisi - Ərazi-təşkilat məsələləri şöbəsinin müdiri Zeynal Nağdəliyev tərəfindən rayon ictimaiyyətinin nümayəndələrinin iştirakı ilə kollektivə təqdim olunub. Təqdimatda Zeynal Nağdəliyev çıxış edib və dövlət başçısının tapşırıq və tövsiyələrini çatdırıb. Orxan Məmmədov ona göstərilən etimada görə minnətdarlıq edib.
Mənbə
oxu.az
