İdman
Azərbaycan cüdoçuları beynəlxalq turnirdə səkkiz medal qazandılar - Foto
Azərbaycan cüdoçuları Qazaxıstanın Aktau şəhərində keçirilən Asiya Açıq Turnirinin ilk günündə 8 medal qazanıblar. Oxu.Az xəbər verir ki, bu barədə Azərbaycan Cüdo Federasiyası məlumat yayıb. Bildirilib ki, Nazir Talıbov (66 kq), Kamran Süleymanov (73 kq), Fəridə Mirzəyeva (52 kq) və Ülviyyə Bayramova (57 kq) finala yüksələrək gümüş medal qazanıblar. Rəşad Yelkiyev (66 kq), Nəriman Mirzəyev və Rüfət Şövlətov (hər ikisi 73 kq), eləcə də Gülnarə Bayramova (57 kq) isə turnirin bürünc medallarına sahib olublar. Beləliklə, Azərbaycan təmsilçiləri yarışın ilk gününü 4 gümüş və 4 bürünc medalla başa vurublar. Qeyd edək ki, iki gün davam edən Asiya Açıq Turnirində 7 ölkədən 182 idmançı mübarizə aparır.
{{gallery}}
{{gallery}}
Mənbə
oxu.az
