Rusiya və ABŞ şirkətləri yanacaqla bağlı danışıqlar aparır
Rusiya və Amerika şirkətləri dizel yanacağının tədarükü ilə bağlı danışıqlar aparırlar.
Axar.az xəbər verir ki, bu barədə Rusiya baş nazirinin müavini Aleksandr Novak "Vesti"yə verdiyi müsahibədə deyib.
"Prezident Putin və Prezident Tramp arasındakı razılaşmalara uyğun olaraq, hökumət dərhal dizel yanacağı ixracına qoyulan qadağanı qismən ləğv edən və onun ABŞ da daxil olmaqla qlobal bazarlara tədarükünə icazə verən bir sərəncam verdi. Əvvəllər sanksiyalar qüvvədə idi, lakin amerikalı həmkarlarımız tərəfindən altı ay müddətinə ləğv edildi. Artıq şirkətlərimizlə Rusiya xammalının alıcıları, eləcə də Rusiya Energetika Nazirliyi ilə ABŞ Energetika Nazirliyi arasında danışıqlar aparılır", - deyə o bildirib.
Novak qeyd edib ki, Rusiya dizel yanacağı ixracına qoyulan qadağanı vaxtından əvvəl ləğv etməyə başlayır və oktyabr ayında 300.000 ton, noyabr ayında 500.000 ton, dekabr ayında 1 milyon ton dizel tədarük etməyə və nəticədə bu həcmi ayda 3 milyon tona çatdırmağa hazırdır.
Qeyd edək ki, oktyabrın 9-da Rusiya Prezidenti Vladimir Putin və amerikalı həmkarı Donald Tramp arasında telefon danışığı olub və söhbət zamanı digər məsələlərlə yanaşı, neft məhsullarının tədarükü də müzakirə olunub. Rusiya liderinin sözlərinə görə, Moskva Amerika və qlobal bazarlara neft və neft məhsulları tədarük etməyə hazır olduğunu təsdiqləyib.
