Kriminal
Bakıda VAZ-2107 11 yaşlı uşağı vurub qaçdı, polis yaxaladı - FOTO
Bakıda 11 yaşlı uşağı avtomobil vurub. Oxu.Az-ın məlumatına görə, hadisə paytaxtın Sabunçu rayonunun Maştağa qəsəbəsi ərazisində baş verib. Qəsəbə ərazisində VAZ-2107 markalı avtomobil qəfil yola çıxaraq hərəkətdə olan motosikletlə toqquşub. Hadisə nəticəsində motosikletdə olan sərnişin, 2015-ci il təvəllüdlü R.Əsədov ağır bədən xəsarətləri alıb. R.Əsədovun anası Şəfa Nəsibova Oxu.Az-a bildirib ki, VAZ-2107-nin sürücüsü hadisə yerindən qaçıb. Polis əməkdaşları tərəfindən keçirilən tədbirlə qəzanı törədərək hadisə yerindən yayınmaqda şübhəli bilinən VAZ-2107 markalı avtomobilin sürücüsü T.Əliyev müəyyən edilərək saxlanılıb. Faktla bağlı araşdırmalar aparılır.
Mənbə
oxu.az
