Nepalda uçqun və daşqının fəsadları: 1200-dən çox insan həyatını itirib

Nepal ərazisində qeydə alınan şiddətli torpaq sürüşməsi səbəbindən ölənlərin sayı 1 252 nəfərə qədər yüksəlib. Oxu.Az xəbər verir ki, bu barədə məlumatı Nepal hüquq-mühafizə orqanlarına istinad edərək Çinin Mərkəzi Televiziyası (CCTV) yayıb. Ötən gün təbii fəlakət qurbanlarının sayı 1 127 nəfər olaraq açıqlanmışdı. Eyni zamanda, hazırkı vaxta qədər 4 875 nəfərin itkin düşdüyü ehtimal edilir. Xatırladaq ki, avqust ayının 26-da Nepalın şimal hissəsində güclü daşqın baş verib. Bu dağıdıcı fəlakətə Çin sərhədində yerləşən "Rasuvaqadhi" keçid məntəqəsinin təqribən 20 kilometr şimal-şərqində yaranan qar uçqunu yol açıb. Sürətlə axan dağ süxurları çay yatağı istiqamətində 70 kilometrdən artıq irəliləyərək yolundakı yaşayış məskənlərini məhv edib və böyük əraziləri su basmasına məruz qoyub.