Xətai rayonunda Beynəlxalq Azərbaycan Muğamı və Musiqisi Günü münasibətilə konsert təşkil olunub

Beynəlxalq Azərbaycan Muğamı və Musiqisi Günü münasibətilə avqustun 26-da Xətai rayonu, Heydər Əliyev adına İstirahət parkının amfiteatr səhnəsində Xətai Rayon İcra Hakimiyyəti (RİH), Bakı Şəhər Mədəniyyət Baş İdarəsi və Yeni Azərbaycan Partiyası (YAP) Xətai rayon təşkilatının birgə təşkilatçılığı ilə "Muğam axşamı" adlı təntənəli konsert proqramı keçirilib.

Milli-mənəvi dəyərlərimizin nümunəsi olan muğam sənətinin təbliği və sakinlər üçün asudə vaxtın səmərəli təşkili məqsədilə baş tutan tədbirdə Xətai RİH-in başçısı Rafiq Quluyev, Milli Məclisin deputatları Vüqar Rəhimzadə, Razi Nurullayev, Müşfiq Məmmədli, YAP Xətai rayon təşkilatının sədri Ramil Mirzəyev, rayon ağsaqqalları, şəhid ailələrinin üzvləri, qazilər və ictimaiyyət nümayəndələri iştirak ediblər. Açıq səma altında təşkil edilən mədəniyyət tədbirində Xalq artistləri Mələkxanım Eyyubova, Nəzakət Teymurova, Əməkdar artistlər Təyyar Bayramov, Cabir Abdullayev və ölkənin tanınmış xanəndələrinin ifasında milli muğamlar, təsniflər və xalq mahnıları təqdim olunub. Yüksək peşəkarlıqla icra olunan musiqi nömrələri tədbir iştirakçıları tərəfindən böyük rəğbətlə qarşılanıb. Xətai rayonunda sakinlərin asudə vaxtının səmərəli təşkili və zəngin mədəni irsimizin təbliği məqsədilə bu qəbildən olan tədbirlərin keçirilməsi artıq il boyu davam edən gözəl bir ənənə halını alıb.
{{gallery}}