UEFA Çempionlar Liqasında püşkatma: "Sabah"ın rəqibləri bəlli olur

Bu gün UEFA Çempionlar Liqasının 2026/27 mövsümü üzrə Liqa mərhələsinin rəsmi püşkatma mərasimi baş tutacaq. Oxu.Az xəbər verir ki, Avropa futbolunun nəbzi bu axşam Monakoda döyünəcək və tədbirə Bakı vaxtı ilə saat 20:00-da start veriləcək. Ümumilikdə 36 iddialı komandanın mübarizə aparacağı Liqa mərhələsinin iştirakçıları 4 fərqli səbətə bölüşdürülüb. Azərbaycan çempionu "Sabah" bu püşkatmaya 4-cü səbətdən qatılacaq. * Çempionlar Liqasında bütün iştirakçılar BƏLLİ OLDU: "Sabah" nəhənglərlə bir sırada * "Sabah" Çempionlar Liqasının tarixinə düşüb Hər bir iştirakçı 8 fərqli komanda ilə üz-üzə gələcək. Təmsilçimiz olan Azərbaycan çempionu bu həlledici matçların 4-nü doğma meydanda, digər 4-nü isə səfərdə oynayacaq. 1-ci səbət PSJ (Fransa); "Bavariya" (Almaniya); "Real Madrid" (İspaniya); "Liverpul" (İngiltərə); "İnter" (İtaliya); "Mançester Siti" (İngiltərə); "Arsenal" (İngiltərə); "Barselona" (İspaniya); "Atletiko Madrid" (İspaniya). 2-ci səbət "Borussiya Dortmund" (Almaniya); "Roma" (İtaliya); "Sportinq" (Portuqaliya); "Aston Villa" (İngiltərə); "Portu" (Portuqaliya); "Mançester Yunayted" (İngiltərə); "Brügge" (Belçika); "Betis" (İspaniya); PSV (Niderland). 3-cü səbət "Feyenoord" (Niderland); "Lill" (Fransa); "Budyo-Qlimt" (Norveç); "Napoli" (İtaliya); "Leypziq" (Almaniya); "Vilyarreal" (İspaniya); "Fənərbağça" (Türkiyə); "Şaxtyor" (Ukrayna); "Qalatasaray" (Türkiyə). 4-cü səbət "Slaviya Praqa" (Çexiya); "Slovan Bratislava" (Slovakiya); "Ştutqart" (Almaniya); AEK (Yunanıstan); LASK (Avstriya); "Komo" (İtaliya); "Lans" (Fransa); "Vikinq" (Norveç); "Sabah" (Azərbaycan). Qeyd edək ki, Liqa mərhələsinin ilk oyunları sentyabrın 8-dən başlayacaq.