Trampın ümidləri qırıldı, İran tələbləri artırıb - KİV
ABŞ Prezidenti Donald Tramp ümid edirdi ki, Hörmüz boğazının yenidən açılması ona qələbə elan etmək və nüvə sazişi olmadan belə İran münaqişəsini həll etmək üçün bir yol verəcək. Lakin Tehran tələblərini kəskin şəkildə artırıb.
Axar.az xəbər verir ki, bu barədə “Voll Strit Jurnal” məlumat yayıb.
“İran ABŞ qüvvələrinin bölgədən çıxarılmasını, dəniz blokadasının ləğvini, sanksiyaların aradan qaldırılmasını, dondurulmuş aktivlərin sərbəst buraxılmasını və boğazın tamamilə açılmasından əvvəl milyardlarla dollarlıq müharibə təzminatının ödənilməsini istəyir.
Bu isə Trampın seçimlərini məhdudlaşdırır. Görünür, İran Vaşinqtonun münaqişədən çıxmağa can atdığını düşünür və Hörmüz boğazını, eləcə də qlobal neft axınlarını pozmaq imkanından təzyiq vasitəsi kimi istifadə edir.
ABŞ-da benzinin qiymətinin bir qallon üçün təxminən 4 dollar olması və ara seçkilərin yaxınlaşması fonunda Trampın razılaşma əldə etmək üçün ciddi motivasiyası var”, - məlumatda bildirilib.
