Dünya
Çinin şimalında torpaq sürüşməsi nəticəsində beş nəfər həlak olub
Çinin şimalında qeydə alınan torpaq sürüşməsi nəticəsində beş nəfər həyatını itirib. Oxu.Az xəbər verir ki, bu barədə "Sinxua" informasiya agentliyi məlumat yayıb. Hadisə günün ikinci yarısında Linfen şəhər dairəsində yerləşən yaşayış məntəqələrinin birində baş verib. Məlumata görə, sözügedən regionda yay mövsümü adətən daşqınlara və torpaq sürüşmələrinə yol açan şiddətli yağıntılarla müşayiət olunur.
Mənbə
oxu.az
