Cəmiyyət
Zeynəbin axtarışlarına helikopter də cəlb olundu - Video
İyulun 6-da Bakı şəhərinin Xəzər rayonu, Şüvəlan qəsəbəsində dənizin nəzarətsiz hissəsində batan 2007-ci il təvəllüdlü Zeynəb Rasim qızı Məmmədzadənin axtarışları Fövqəladə Hallar Nazirliyi (FHN) tərəfindən davam etdirilir.
Bu barədə Axar.az-a FHN-dən məlumat verilib.
Bildirilib ki, axtarış-xilasetmə əməliyyatına FHN-in Aviasiya Dəstəsinin helikopteri, Xüsusi Riskli Xilasetmə Xidməti, həmçinin Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri cəlb olunub.
Hadisə ilə bağlı əlavə məlumat veriləcək.
Mənbə
axar.az
