Digər
Almaniya mühüm hərbi gücə çevrilir - Stoltenberq
Almaniya mühüm hərbi gücə çevrilmək yolundadır.
Axar.az xəbər verir ki, bunu NATO-nun keçmiş baş katibi Yens Stoltenberq "Der Şpigel" jurnalına müsahibəsində deyib.
"Bu, düzgün istiqamətdir və mən bunu alqışlayıram", – deyə Stoltenberq Almaniyanın NATO-da yeni rol qazanacağı ilə bağlı fikirlərə münasibət bildirərkən qeyd edib.
O xatırladıb ki, vaxtilə Almaniya müdafiə xərclərinə görə ABŞ, Böyük Britaniya və Fransadan sonra dördüncü yerdə idi.
"Bu vəziyyət köklü şəkildə dəyişib. Almaniya mühüm hərbi gücə çevrilmək yolundadır", – deyə Stoltenberq vurğulayıb.
Onun sözlərinə görə, bu transformasiyada Almaniyanın müdafiə naziri Boris Pistoriusun da mühüm rolu olub.
Mənbə
axar.az
