Kriminal
Sumqayıtda qəza: Avtomobil restorana çırpıldı - Video
Sumqayıtda yol-nəqliyyat hadisəsi baş verib.
Axar.az Teleqraf-a istinadən xəbər verir ki, hadisə şəhərin Üzeyir Hacıbəyli küçəsində qeydə alınıb.
Belə ki, hərəkətdə olan “Çanqan 207” markalı minik avtomobili naməlum səbəbdən sürücünün idarəetməsindən çıxaraq yol kənarında fəaliyyət göstərən restoranın binasına çırpılıb.
Qəza nəticəsində obyektə və nəqliyyat vasitəsinə ziyan dəyib. Hadisə ilə bağlı məlumat daxil olduqdan sonra əraziyə aidiyyəti qurumların əməkdaşları göndərilib.
Hazırda hadisənin hansı şəraitdə baş verdiyi araşdırılır, qəzanın dəqiq səbəblərinin müəyyənləşdirilməsi istiqamətində tədbirlər görülür.
Mənbə
axar.az
