İdman
Dünya çempionatına 4 gün qaldı: XORVATİYA - "Alovlular" - VİDEO
Xorvatiya millisi ("Vatreni" - Alovlular) dünya futbolunun ən unikal fenomenlərindən biridir. Əhali sayının az olmasına baxmayaraq, meydandakı sarsılmaz xarakteri, bitmək bilməyən dözümlülüyü və taktiki zəkası ilə onlar qatıldıqları son iki dünya çempionatında gümüş və bürünc medalları qazanaraq inanılmaz bir tarix yazıblar. Xorvatiya ilk dəfə iştirak etdiyi 1998-ci il dünya çempionatında üçüncü yeri tutaraq niyyətini açıq şəkildə ortaya qoymuşdu. Onilliklər ərzində Yuqoslaviya bayrağı altında mübarizə apardıqdan sonra, müstəqillik qazanan Balkan ölkəsi futbolun ən böyük səhnəsində mütəmadi olaraq gözləntiləri aşmağı bacarıb. 2018-ci ildə Rusiyada finala yüksələn və 2022-ci ildə Qətərdə daha bir üçüncü yeri təmin edən Xorvatiya, bu günə qədər qatıldığı dünya çempionatlarının yarısında yarımfinala yüksəlmək kimi inanılmaz bir rekorda sahibdir. Xorvatiyanın əhalisinin dörd milyondan az olduğunu nəzərə alsaq, bu nəticə daha da təsiredicidir. 40 yaşında hələ də komandanın ən nüfuzlu qüvvəsi olan əfsanəvi Luka Modriçin rəhbərliyi altında Xorvatiya UEFA təsnifat mərhələsini inamla keçib. Zlatko Daliçin komandasının 2026-cı il dünya çempionatında yenidən uzaqlara getməsi heç kim üçün sürpriz olmayacaq. Oxu.Az Xorvatiya futbolunun keçmişinə, bu gününə və 2026-cı il gözləntilərinə nəzər salır.
Daliç ötən iki turnirdə millini yüksək pillələrə daşıdıqdan sonra Xorvatiyaya ardıcıl üçüncü dünya çempionatında rəhbərlik etməyə hazırlaşır. 57 yaşlı mütəxəssis 2017-ci ildə komandanın sükanı arxasına keçdi və o vaxtdan bəri Balkan ölkəsini beynəlxalq futbolda davamlı uğur qazanan bir gücə çevirdi. Daliç, Modriç və digər veteranlar İvan Perişiçlə Andrey Kramariçə güvənməyə davam etsə də, təsnifat mərhələsində gənc oyunçuları cəlb etməyə xüsusi diqqət yetirmişdi. Xüsusən 18 yaşlı mərkəz müdafiəçisi Luka Vuşkoviç, eləcə də 20 yaşı təzə tamam olan İqor Matanoviç, Franyo İvanoviç və Marko Paşaliç kimi isimlərin heyətə qatılması, Xorvatiyanın Şimali Amerikada gənc və gələcək vəd edən istedadlarla dolu olmasını təmin edəcək. Xorvatiyanın ilk dünya çempionatı Xorvatiyanın 1998-ci ildə Fransada yarımfinala qədər davam edən yürüşü, bütün zamanların ən uğurlu dünya çempionatı debütlərindən biri kimi tarixə düşmüşdü. Balkan müharibələrindən və Yuqoslaviyanın parçalanmasından sonra yeni müstəqillik qazanmış bir ölkənin dünyanın ən güclü futbol ölkələrinə qarşı mübarizə apararaq qalib gəlməsi, həmçinin güclü bir milli qürur hissi yaratmışdı. Miroslav Blajeviçin rəhbərliyi altında Xorvatiya 1996-cı il Avropa Çempionatında yarımfinala yüksəldikdən sonra ilk dünya çempionatına inamla yollanmışdı. Qrup mərhələsinə digər debütant Yamayka üzərində 3:1 hesablı qələbə ilə fırtına kimi başlamış və ardınca Yaponiyanı 1:0 məğlub etmişdilər. Argentinaya qarşı 0:1 hesablı məğlubiyyətə rəğmən, pley-off mərhələsinə vəsiqəni təmin etmişdilər. Qrup mərhələsində iki qol vuran Davor Şuker 1/8 finalda penaltidən fərqlənərək Rumıniyanı turnirdən kənarlaşdırmış və məhsuldar seriyasını davam etdirmişdi. Çox az adam Xorvatiyanın 1/4 finalda güclü Almaniyaya qarşı qələbə şansının olduğuna inanırdı. Lakin Kristian Vörnsün 40-cı dəqiqədə Şukeri kobudluqla yerə yıxdığı üçün birbaşa qırmızı vərəqə alması oyunun gedişatını tamamilə dəyişmişdi. Robert Yarni, Qoran Vlaoviç və Şukerin qolları Avropa çempionları üzərində heyrətamiz 3:0 hesablı qələbəni gətirmişdi. İnanılmaz olsa da, Xorvatiya yarımfinalda Fransaya qarşı Şukerin ikinci hissənin əvvəlində vurduğu qolla önə keçmişdi. Lakin gözlənilməz bir dönüş yaşanmışdı. Müdafiəçi Lilian Türam 142 oyunluq beynəlxalq karyerasında vurduğu yeganə iki qolu məhz bu matçda reallaşdıraraq, ev sahiblərini finala daşımışdı. Şuker isə hələ son sözünü deməmişdi. O, Niderlanda qarşı daha bir qol vuraraq Xorvatiya üçün bürünc medalı və özü üçün "Qızıl buts" mükafatını rəsmiləşdirmişdi.
Xorvatiyanın son dünya çempionatı Xorvatiya Rusiyadakı final gedişini Qətərdə başqa bir mükəmməl performansla davam etdirmişdi. Qırmızı-ağ damalı komanda qrup mərhələsindən inamla keçərək (Mərakeş və Belçika ilə qolsuz heç-heçə, Kanada üzərində 4:1 qələbə) tarixi təkrarlamışdı. Pley-off mərhələsində isə Yaponiya və əsas favoritlərdən olan Braziliyanı penaltilər seriyasında məğlub edərək yarımfinala adlamışdı. Lionel Messi Argentinanı yarımfinalda 3:0 hesablı qələbəyə daşısa da, Xorvatiya Mərakeşi 2:1 məğlub edərək növbəti dəfə kürsüyə qalxmış və turniri yüksək əhvali-ruhiyyə ilə başa vurmuşdu.
Xorvatiyanın ən yaxşı dünya çempionatı 2014-cü ildə Braziliyada qrup mərhələsini keçə bilməyən Xorvatiya dörd il sonra Rusiyada finala qədər uzanan nağılvari bir turnir keçirmişdi. Onlar Nigeriya, Argentina və İslandiya üzərində rahat qələbələr qazanaraq qrup mərhələsini asanlıqla adlamışdılar. Lakin pley-off mərhələsi heç də sadə olmamışdı. Danimarka və ev sahibi Rusiyanı penaltilər seriyasında məğlub edərək yarımfinala çıxmışdılar. Orada isə İngiltərəni üstələmək üçün Mario Mandzukiçin əlavə vaxtda vurduğu qələbə qolu lazım gəlmişdi. Ardıcıl üç 120 dəqiqəlik oyun keçirən Xorvatiya üçün Fransa Moskvanın Lujniki stadionundakı finalda çox güclü rəqib olmuşdu. 1966-cı ildəki İngiltərə finalından bəri ən çox qol vurulan həlledici oyunda Xorvatiya Mandzukiçin avtoqolu ilə geriyə düşsə də, Perişiçin qolu ilə hesabı bərabərləşdirmişdi. Lakin gənc Kilian Mbappenin performansı Fransaya 4:2 hesablı qələbə qazandırmışdı.
Məğlubiyyətə baxmayaraq, Xorvatiyanın finala yüksəlməsi böyük milli qürur mənbəyinə çevrilmişdi. Daliç FIFA-ya verdiyi müsahibədə həmin turniri belə xatırlamışdı: "Hələ də mənə elə gəlir ki, hamımız xəyallarımızı yaşayırıq. Qayıdanda Zaqrebdə bizi 500 mindən çox insan qarşıladı, bu, heç birimizin unutmayacağı bir gün idi. Ondan sonra hər birimiz öz doğma şəhərində xüsusi qarşılandıq. Sadəcə möhtəşəm bir dövr idi, bütün yay inanılmaz keçdi. Bu nəticənin bütün xalq üçün nə demək olduğunu şəxsən gördükdə, Rusiyadakı səyahətimizin bütün xorvatlar üçün nə qədər önəmli olduğunu anladıq". Xorvatiya DÇ-2026-ya vəsiqəni necə qazanıb? Daliçin komandası UEFA təsnifat mərhələsində L Qrupunu başa çatmasına bir oyun qalmış lider kimi bitirmişdi. Farer adaları üzərindəki 3:1 hesablı qələbə, ən yaxın izləyiciləri olan Çexiyanın onlara çata bilməyəcəyini rəsmiləşdirmişdi. Xorvatiya təsnifat mərhələsində tam üstünlük nümayiş etdirərək, yeddi qələbə və bir heç-heçə ilə dünya çempionatına rahat vəsiqə qazanmışdı. Balkan təmsilçiləri səkkiz oyunda inanılmaz 26 qol vurmağı bacarmışdılar. İyun ayında Cəbəllüttariq üzərindəki 7:0 və Çexiya üzərindəki 5:1 hesablı qələbələr xüsusilə diqqət çəkmişdi. Kramariç altı qolla ən məhsuldar oyunçu olmuş, Perişiç isə dörd dəfə fərqlənmişdi.
Xorvatiya DÇ-2026-da L qrupunda İngiltərə, Qana və Panama millilərinə qarşı mübarizə aparacaq. L qrupu: 18 iyun, 00:00, İngiltərə - Xorvatiya (Dallas stadionu); 24 iyun, 03:00, Panama - Xorvatiya (Toronto stadionu); 28 iyun, 01:00, Xorvatiya - Qana (Filadelfiya stadionu).
Xorvatiyanın dünya çempionatlarında ən çox qol vuran oyunçuları 1998-ci ildə Fransada vurduğu altı qolla Şuker üç turnir ərzində eyni göstəriciyə çatan Perişiçlə birlikdə Xorvatiyanın birgə ən sərrast oyunçusudurlar. Perişiç 2014-cü ildə Braziliyada iki, 2018-ci ildə Rusiyada (yarımfinal və final daxil olmaqla) üç, 2022-ci ildə Qətərdə isə 1/8 finalda Yaponiyaya qarşı bir qol vurub. 36 yaşı olmasına baxmayaraq hələ də yüksək formada olan Perişiçin Şimali Amerikada təkbaşına ən yaxşı bombardir olmaq üçün əla fürsəti var.
Xorvatiyanın dünya çempionatlarında ən çox oyun keçirən futbolçuları Modriç dörd dünya çempionatı ərzində 19 oyun keçirib ki, bunda da komandanın turnirlərdə yarımfinal və finala qədər uzanan yolu həlledici rol oynayıb. Əgər Xorvatiya bu turnirdə irəliləyə bilsə, onun bütün zamanların ən çox oyun keçirənlər siyahısında zirvəyə yaxınlaşmaq şansı olacaq. Aktiv oyunçular arasında bu elit qrupda "Milan" klubunun yarımmüdafiəçisindən yalnız Lionel Messi və Kriştianu Ronaldu öndədirlər. Perişiç isə 17 turnir matçı ilə Modriçin dərhal arxasında qərarlaşıb.
Xorvatiyanın ən böyük dünya çempionatı qələbəsi 2014-cü ildə Braziliyada keçirilən qrup mərhələsində Xorvatiya turnirlə erkən vidalaşmasını rəsmiləşdirən yalnız bir qələbə qazanmışdı. Lakin bu onların bu günə qədər ən böyük dünya çempionatı qələbəsi olaraq qalır. Birinci hissənin sonuna yaxın Aleks Sonqun meydandan qovulmasının da verdiyi üstünlüklə Xorvatiya İvitsa Oliç, Perişiç və Mandzukiçin dublu sayəsində Kamerunu 4:0 hesabı ilə darmadağın etmişdi. Qeyd etmək lazımdır ki, bundan əvvəl 2002-ci il Koreya/Yaponiyada keçirilən turnirdə fərqlənən Oliç Danimarkalı Mikael Laudrupdan (1986 və 1998) sonra dünya çempionatlarında vurduğu qollar arasında 12 illik fərq olan ikinci oyunçu kimi tarixə düşmüşdü. Eyni zamanda, Mandzukiç də bir fünya çempionatı matçında dubl edən ilk xorvat futbolçu olmuşdu.
Xorvatiyanın unudulmaz dünya çempionatı anları Xorvatiya 1998-ci il dünya çempionatının yarımfinalında Fransaya qarşı yalnız bir dəqiqə üstünlüyünü qoruya bilsə də, bu, Şukerin qlobal arenadakı debütündə Balkan ölkəsini finala nə qədər yaxınlaşdırdığını göstərən möhtəşəm bir an idi. İkinci hissənin başlamasından saniyələr sonra "Real Madrid"in hücumçusu ofsayd tələsindən xilas olaraq topu Fabyen Bartezdən keçirmiş və yerli azarkeşləri sükuta qərq etmişdi. Sonralar Şuker "Four Four Two" nəşrinə verdiyi müsahibədə bunları demişdi: "Uşaq olanda dünya çempionatında "Qızıl buts" qazanmağı xəyal edirdim. Bu baxımdan DÇ-1998 mənim üçün xəyalların gerçəkləşməsi idi. O an karyeramın ən yaxşı futbolunu oynayırdım və Xorvatiya millisi də xüsusi bir dövr yaşayırdı".
Braziliyaya uduzduqdan və Yaponiya ilə heç-heçə etdikdən sonra Xorvatiyaya 2006-cı il Almaniyada keçirilən dünya çempionatında pley-off mərhələsinə keçmək üçün son qrup matçında Avstraliyanı məğlub etmək lazım idi. Ştutqartda baş tutan həyəcanlı qarşılaşmada Avstraliya millisi iki dəfə geridə olmasına baxmayaraq geri dönüş etmiş və Harri Kyuellin 78-ci dəqiqədə vurduğu qolla 2:2 hesablı bərabərliyi təmin edərək mərhələ adlamışdı. Dramatik sonluqda üç oyunçu - Xorvatiyadan Dario Şimiç və Yosip Şimuniç, həmçinin Avstraliyadan Brett Emerton meydandan qovulmuşdu. Yaranmış gərgin vəziyyətdə ingilis hakim Qrem Poll şaşqınlıq içində Şimuniçə matç ərzində üç dəfə sarı vərəqə göstərmişdi.
2018-ci ilin dünya çempionatının yarımfinalında Mandzukiçin İngiltərəyə qarşı əlavə vaxtda vurduğu qələbə qolu, sevinən oyunçuların Meksika mərkəzli "Agence France-Presse" fotoqrafı Yuri Cortezin üzərinə yıxılması ilə bəzi qeyri-adi fotoların ortaya çıxmasına səbəb olmuşdu. Cortez oyunçuların yaratdığı qarışıqlığın altında qalsa da, şəkil çəkməyə davam etmişdi. Sonra futbolçular ona ayağa qalxmağa kömək etmiş və müdafiəçi Domaqoy Vida meydançaya qayıtmazdan əvvəl onun alnından öpmüşdü. Fotoqraf AFP-yə açıqlamasında hadisəni belə xatırlamışdı: "Oyunçular mənə tərəf qaçarkən sadəcə linzamı dəyişirdim. Onlar çox sevincli idilər. Sonra birdən mənim onların altında qaldığımı fərq etdilər. Uşaqlar yaxşı olub-olmadığımı soruşdular. Biri obyektivimi götürdü, digər oyunçu (Domaqoy Vida) isə məni öpdü".
Xorvatiya millisi hər turnirdə olduğu kimi, bu dünya çempionatında da gizli favoritlərdən biridir. Kovaçiçin orta sahədəki sehrbazlığı və Gvardiolun müdafiədəki keçilməzliyi "Alovlular"ı yenidən mundialın finalına qədər daşıya biləcəkmi? Xorvatiya bu çətin qrupda İngiltərəni geridə qoyub lider olmağı bacaracaq?
Daliç ötən iki turnirdə millini yüksək pillələrə daşıdıqdan sonra Xorvatiyaya ardıcıl üçüncü dünya çempionatında rəhbərlik etməyə hazırlaşır. 57 yaşlı mütəxəssis 2017-ci ildə komandanın sükanı arxasına keçdi və o vaxtdan bəri Balkan ölkəsini beynəlxalq futbolda davamlı uğur qazanan bir gücə çevirdi. Daliç, Modriç və digər veteranlar İvan Perişiçlə Andrey Kramariçə güvənməyə davam etsə də, təsnifat mərhələsində gənc oyunçuları cəlb etməyə xüsusi diqqət yetirmişdi. Xüsusən 18 yaşlı mərkəz müdafiəçisi Luka Vuşkoviç, eləcə də 20 yaşı təzə tamam olan İqor Matanoviç, Franyo İvanoviç və Marko Paşaliç kimi isimlərin heyətə qatılması, Xorvatiyanın Şimali Amerikada gənc və gələcək vəd edən istedadlarla dolu olmasını təmin edəcək. Xorvatiyanın ilk dünya çempionatı Xorvatiyanın 1998-ci ildə Fransada yarımfinala qədər davam edən yürüşü, bütün zamanların ən uğurlu dünya çempionatı debütlərindən biri kimi tarixə düşmüşdü. Balkan müharibələrindən və Yuqoslaviyanın parçalanmasından sonra yeni müstəqillik qazanmış bir ölkənin dünyanın ən güclü futbol ölkələrinə qarşı mübarizə apararaq qalib gəlməsi, həmçinin güclü bir milli qürur hissi yaratmışdı. Miroslav Blajeviçin rəhbərliyi altında Xorvatiya 1996-cı il Avropa Çempionatında yarımfinala yüksəldikdən sonra ilk dünya çempionatına inamla yollanmışdı. Qrup mərhələsinə digər debütant Yamayka üzərində 3:1 hesablı qələbə ilə fırtına kimi başlamış və ardınca Yaponiyanı 1:0 məğlub etmişdilər. Argentinaya qarşı 0:1 hesablı məğlubiyyətə rəğmən, pley-off mərhələsinə vəsiqəni təmin etmişdilər. Qrup mərhələsində iki qol vuran Davor Şuker 1/8 finalda penaltidən fərqlənərək Rumıniyanı turnirdən kənarlaşdırmış və məhsuldar seriyasını davam etdirmişdi. Çox az adam Xorvatiyanın 1/4 finalda güclü Almaniyaya qarşı qələbə şansının olduğuna inanırdı. Lakin Kristian Vörnsün 40-cı dəqiqədə Şukeri kobudluqla yerə yıxdığı üçün birbaşa qırmızı vərəqə alması oyunun gedişatını tamamilə dəyişmişdi. Robert Yarni, Qoran Vlaoviç və Şukerin qolları Avropa çempionları üzərində heyrətamiz 3:0 hesablı qələbəni gətirmişdi. İnanılmaz olsa da, Xorvatiya yarımfinalda Fransaya qarşı Şukerin ikinci hissənin əvvəlində vurduğu qolla önə keçmişdi. Lakin gözlənilməz bir dönüş yaşanmışdı. Müdafiəçi Lilian Türam 142 oyunluq beynəlxalq karyerasında vurduğu yeganə iki qolu məhz bu matçda reallaşdıraraq, ev sahiblərini finala daşımışdı. Şuker isə hələ son sözünü deməmişdi. O, Niderlanda qarşı daha bir qol vuraraq Xorvatiya üçün bürünc medalı və özü üçün "Qızıl buts" mükafatını rəsmiləşdirmişdi.
Xorvatiyanın son dünya çempionatı Xorvatiya Rusiyadakı final gedişini Qətərdə başqa bir mükəmməl performansla davam etdirmişdi. Qırmızı-ağ damalı komanda qrup mərhələsindən inamla keçərək (Mərakeş və Belçika ilə qolsuz heç-heçə, Kanada üzərində 4:1 qələbə) tarixi təkrarlamışdı. Pley-off mərhələsində isə Yaponiya və əsas favoritlərdən olan Braziliyanı penaltilər seriyasında məğlub edərək yarımfinala adlamışdı. Lionel Messi Argentinanı yarımfinalda 3:0 hesablı qələbəyə daşısa da, Xorvatiya Mərakeşi 2:1 məğlub edərək növbəti dəfə kürsüyə qalxmış və turniri yüksək əhvali-ruhiyyə ilə başa vurmuşdu.
Xorvatiyanın ən yaxşı dünya çempionatı 2014-cü ildə Braziliyada qrup mərhələsini keçə bilməyən Xorvatiya dörd il sonra Rusiyada finala qədər uzanan nağılvari bir turnir keçirmişdi. Onlar Nigeriya, Argentina və İslandiya üzərində rahat qələbələr qazanaraq qrup mərhələsini asanlıqla adlamışdılar. Lakin pley-off mərhələsi heç də sadə olmamışdı. Danimarka və ev sahibi Rusiyanı penaltilər seriyasında məğlub edərək yarımfinala çıxmışdılar. Orada isə İngiltərəni üstələmək üçün Mario Mandzukiçin əlavə vaxtda vurduğu qələbə qolu lazım gəlmişdi. Ardıcıl üç 120 dəqiqəlik oyun keçirən Xorvatiya üçün Fransa Moskvanın Lujniki stadionundakı finalda çox güclü rəqib olmuşdu. 1966-cı ildəki İngiltərə finalından bəri ən çox qol vurulan həlledici oyunda Xorvatiya Mandzukiçin avtoqolu ilə geriyə düşsə də, Perişiçin qolu ilə hesabı bərabərləşdirmişdi. Lakin gənc Kilian Mbappenin performansı Fransaya 4:2 hesablı qələbə qazandırmışdı.
Məğlubiyyətə baxmayaraq, Xorvatiyanın finala yüksəlməsi böyük milli qürur mənbəyinə çevrilmişdi. Daliç FIFA-ya verdiyi müsahibədə həmin turniri belə xatırlamışdı: "Hələ də mənə elə gəlir ki, hamımız xəyallarımızı yaşayırıq. Qayıdanda Zaqrebdə bizi 500 mindən çox insan qarşıladı, bu, heç birimizin unutmayacağı bir gün idi. Ondan sonra hər birimiz öz doğma şəhərində xüsusi qarşılandıq. Sadəcə möhtəşəm bir dövr idi, bütün yay inanılmaz keçdi. Bu nəticənin bütün xalq üçün nə demək olduğunu şəxsən gördükdə, Rusiyadakı səyahətimizin bütün xorvatlar üçün nə qədər önəmli olduğunu anladıq". Xorvatiya DÇ-2026-ya vəsiqəni necə qazanıb? Daliçin komandası UEFA təsnifat mərhələsində L Qrupunu başa çatmasına bir oyun qalmış lider kimi bitirmişdi. Farer adaları üzərindəki 3:1 hesablı qələbə, ən yaxın izləyiciləri olan Çexiyanın onlara çata bilməyəcəyini rəsmiləşdirmişdi. Xorvatiya təsnifat mərhələsində tam üstünlük nümayiş etdirərək, yeddi qələbə və bir heç-heçə ilə dünya çempionatına rahat vəsiqə qazanmışdı. Balkan təmsilçiləri səkkiz oyunda inanılmaz 26 qol vurmağı bacarmışdılar. İyun ayında Cəbəllüttariq üzərindəki 7:0 və Çexiya üzərindəki 5:1 hesablı qələbələr xüsusilə diqqət çəkmişdi. Kramariç altı qolla ən məhsuldar oyunçu olmuş, Perişiç isə dörd dəfə fərqlənmişdi.
Xorvatiya DÇ-2026-da L qrupunda İngiltərə, Qana və Panama millilərinə qarşı mübarizə aparacaq. L qrupu: 18 iyun, 00:00, İngiltərə - Xorvatiya (Dallas stadionu); 24 iyun, 03:00, Panama - Xorvatiya (Toronto stadionu); 28 iyun, 01:00, Xorvatiya - Qana (Filadelfiya stadionu).
Xorvatiyanın dünya çempionatlarında ən çox qol vuran oyunçuları 1998-ci ildə Fransada vurduğu altı qolla Şuker üç turnir ərzində eyni göstəriciyə çatan Perişiçlə birlikdə Xorvatiyanın birgə ən sərrast oyunçusudurlar. Perişiç 2014-cü ildə Braziliyada iki, 2018-ci ildə Rusiyada (yarımfinal və final daxil olmaqla) üç, 2022-ci ildə Qətərdə isə 1/8 finalda Yaponiyaya qarşı bir qol vurub. 36 yaşı olmasına baxmayaraq hələ də yüksək formada olan Perişiçin Şimali Amerikada təkbaşına ən yaxşı bombardir olmaq üçün əla fürsəti var.
Xorvatiyanın dünya çempionatlarında ən çox oyun keçirən futbolçuları Modriç dörd dünya çempionatı ərzində 19 oyun keçirib ki, bunda da komandanın turnirlərdə yarımfinal və finala qədər uzanan yolu həlledici rol oynayıb. Əgər Xorvatiya bu turnirdə irəliləyə bilsə, onun bütün zamanların ən çox oyun keçirənlər siyahısında zirvəyə yaxınlaşmaq şansı olacaq. Aktiv oyunçular arasında bu elit qrupda "Milan" klubunun yarımmüdafiəçisindən yalnız Lionel Messi və Kriştianu Ronaldu öndədirlər. Perişiç isə 17 turnir matçı ilə Modriçin dərhal arxasında qərarlaşıb.
Xorvatiyanın ən böyük dünya çempionatı qələbəsi 2014-cü ildə Braziliyada keçirilən qrup mərhələsində Xorvatiya turnirlə erkən vidalaşmasını rəsmiləşdirən yalnız bir qələbə qazanmışdı. Lakin bu onların bu günə qədər ən böyük dünya çempionatı qələbəsi olaraq qalır. Birinci hissənin sonuna yaxın Aleks Sonqun meydandan qovulmasının da verdiyi üstünlüklə Xorvatiya İvitsa Oliç, Perişiç və Mandzukiçin dublu sayəsində Kamerunu 4:0 hesabı ilə darmadağın etmişdi. Qeyd etmək lazımdır ki, bundan əvvəl 2002-ci il Koreya/Yaponiyada keçirilən turnirdə fərqlənən Oliç Danimarkalı Mikael Laudrupdan (1986 və 1998) sonra dünya çempionatlarında vurduğu qollar arasında 12 illik fərq olan ikinci oyunçu kimi tarixə düşmüşdü. Eyni zamanda, Mandzukiç də bir fünya çempionatı matçında dubl edən ilk xorvat futbolçu olmuşdu.
Xorvatiyanın unudulmaz dünya çempionatı anları Xorvatiya 1998-ci il dünya çempionatının yarımfinalında Fransaya qarşı yalnız bir dəqiqə üstünlüyünü qoruya bilsə də, bu, Şukerin qlobal arenadakı debütündə Balkan ölkəsini finala nə qədər yaxınlaşdırdığını göstərən möhtəşəm bir an idi. İkinci hissənin başlamasından saniyələr sonra "Real Madrid"in hücumçusu ofsayd tələsindən xilas olaraq topu Fabyen Bartezdən keçirmiş və yerli azarkeşləri sükuta qərq etmişdi. Sonralar Şuker "Four Four Two" nəşrinə verdiyi müsahibədə bunları demişdi: "Uşaq olanda dünya çempionatında "Qızıl buts" qazanmağı xəyal edirdim. Bu baxımdan DÇ-1998 mənim üçün xəyalların gerçəkləşməsi idi. O an karyeramın ən yaxşı futbolunu oynayırdım və Xorvatiya millisi də xüsusi bir dövr yaşayırdı".
Braziliyaya uduzduqdan və Yaponiya ilə heç-heçə etdikdən sonra Xorvatiyaya 2006-cı il Almaniyada keçirilən dünya çempionatında pley-off mərhələsinə keçmək üçün son qrup matçında Avstraliyanı məğlub etmək lazım idi. Ştutqartda baş tutan həyəcanlı qarşılaşmada Avstraliya millisi iki dəfə geridə olmasına baxmayaraq geri dönüş etmiş və Harri Kyuellin 78-ci dəqiqədə vurduğu qolla 2:2 hesablı bərabərliyi təmin edərək mərhələ adlamışdı. Dramatik sonluqda üç oyunçu - Xorvatiyadan Dario Şimiç və Yosip Şimuniç, həmçinin Avstraliyadan Brett Emerton meydandan qovulmuşdu. Yaranmış gərgin vəziyyətdə ingilis hakim Qrem Poll şaşqınlıq içində Şimuniçə matç ərzində üç dəfə sarı vərəqə göstərmişdi.
2018-ci ilin dünya çempionatının yarımfinalında Mandzukiçin İngiltərəyə qarşı əlavə vaxtda vurduğu qələbə qolu, sevinən oyunçuların Meksika mərkəzli "Agence France-Presse" fotoqrafı Yuri Cortezin üzərinə yıxılması ilə bəzi qeyri-adi fotoların ortaya çıxmasına səbəb olmuşdu. Cortez oyunçuların yaratdığı qarışıqlığın altında qalsa da, şəkil çəkməyə davam etmişdi. Sonra futbolçular ona ayağa qalxmağa kömək etmiş və müdafiəçi Domaqoy Vida meydançaya qayıtmazdan əvvəl onun alnından öpmüşdü. Fotoqraf AFP-yə açıqlamasında hadisəni belə xatırlamışdı: "Oyunçular mənə tərəf qaçarkən sadəcə linzamı dəyişirdim. Onlar çox sevincli idilər. Sonra birdən mənim onların altında qaldığımı fərq etdilər. Uşaqlar yaxşı olub-olmadığımı soruşdular. Biri obyektivimi götürdü, digər oyunçu (Domaqoy Vida) isə məni öpdü".
Xorvatiya millisi hər turnirdə olduğu kimi, bu dünya çempionatında da gizli favoritlərdən biridir. Kovaçiçin orta sahədəki sehrbazlığı və Gvardiolun müdafiədəki keçilməzliyi "Alovlular"ı yenidən mundialın finalına qədər daşıya biləcəkmi? Xorvatiya bu çətin qrupda İngiltərəni geridə qoyub lider olmağı bacaracaq?
Mənbə
oxu.az
