Dünya
Çilidə bir həftədə ikinci güclü zəlzələ
Çilinin əsas limanı olan Valparaiso akvatoriyasında 6 bal gücündə zəlzələ baş verib. Oxu.Az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Seysmik hadisənin episentri 300 minə yaxın əhalisi olan Vinya-del-Mar şəhərindən 38 km aralıda yerləşib. Dağıntı və itki barədə məlumat verilməyib. Qeyd edək ki, təxminən bir həftə əvvəl Çilidə 6.8 bal gücündə daha bir zəlzələ qeydə alınmışdı.
Mənbə
oxu.az
