Azərbaycan çempionatının ən çox izlənən klubları məlum oldu

"Qarabağ" Misli Premyer Liqasının 2025/2026 mövsümündə ev oyunlarında azarkeş sayına görə lider olub. Oxu.Az Peşəkar Futbol Liqasına istinadən xəbər verir ki, son mövsümün oyunlarını ümumilikdə 285 min 778 tamaşaçı izləyib. Nəticəsi ləğv olunan "İmişli" - "Sumqayıt" matçı nəzərə alınmaqla baş tutan 198 görüşdə orta göstərici 1443-ə bərabər olub. Ən çox azarkeş XXVIII turun "Qarabağ" - "Sabah" görüşündə qeydə alınıb. Aprelin 18-də Tofiq Bəhramov adına Respublika stadionunda keçirilən qarşılaşmada 17 min 338 izləyici olub. Bu komandaların eyni arenada baş tutan XXII turdakı matçı siyahıda ikincidir. Martın 1-də baş tutan oyunu 10 min 361 tamaşaçı seyr edib. Ən çox izləyici toplayan iki matçın ev sahibi olan "Qarabağ" öz meydanındakı oyunlardakı tamaşaçı sayında da 1-ci olub. Ümumilikdə 51 min 167 tamaşaçı toplayan Ağdam klubunun orta göstəricisi 3010-a bərabər olub. "Neftçi" tamaşaçı sayında 2-ci yeri tutub - 44 min 693 (orta göstərici - 2793). İlk "üçlüy"ü "Sumqayıt" qapayıb - 39 min 560 (orta göstərici - 2473)

№	Klub	Tamaşaçı	Oyun	Orta
1	Qarabağ FK	51,167	17	3,010
2	Neftçi PFK	44,693	16	2,793
3	Sumqayıt FK	39,560	16	2,473
4	Turan Tovuz	34,550	16	2,159
5	Karvan-Yevlax FK	27,380	17	1,611
6	Sabah FK	23,623	17	1,390
7	Şamaxı FK	18,150	17	1,068
8	Kəpəz PFK	13,150	16	822
9	Zirə FK	12,350	17	726
10	Qəbələ FK	9,670	16	604
11	İmişli FK	7,765	16	485
12	Araz-Naxçıvan PFK	3,720	17	219
	Cəmi	285,778	198	1,443