"Tamçı" SFIT idarəedici şirkət yaradır və fəaliyyətə başlamağa hazırlaşır

"Tamçı" Xüsusi Maliyyə-İnvestisiya Ərazisinin (SFIT) İdarəetmə Şurasının ilk iclasında rəhbərlik təyin olunub. Şuranın sədri vəzifəsinə Ayaz Bayetov (ədliyyə naziri), sədr müavinləri vəzifələrinə isə Əli İcaz Əhməd və Bakıt Sıdıkov (iqtisadiyyat və kommersiya naziri) seçiliblər. Bu qərarlar "Tamçı" SFIT-in normativ hazırlıq mərhələsindən əməli fəaliyyətə hazırlıq mərhələsinə keçidini simvolizə edib. Yeni rəhbərliyin qarşısında rezidentlərlə işə başlamazdan əvvəl tam funksional idarəedici şirkətin yaradılması vəzifəsi dayanır. İclasda, həmçinin maliyyə mərkəzinin inkişaf planı, daxili iş reqlamentləri və normativ sənədlərin ilk paketi təsdiqlənib. İdarəedici şirkətə tam hüquqi-tənzimləyici bazanın hazırlanmasını yekunlaşdırmaq, rezidentlər üçün xidmət ekosistemini formalaşdırmaq və ümumi hüquq prinsipləri əsasında mübahisələrə baxacaq Beynəlxalq Mübahisələrin Həlli Mərkəzini yaratmaq tapşırılıb. Şura eyni zamanda, idarəedici şirkətin fəaliyyətini təşkil edərək Talantbek İmanovu şirkətin rəhbəri təyin edib. İdarəedici şirkət SFIT-in əsas qurumu olacaq: o, rezidentlərin qeydiyyatı, lisenziyaların verilməsi və təxminən 6 000 hektar ərazini əhatə edən zonanın infrastrukturunun inkişafı ilə məşğul olacaq. Tənzimləyici mexanizmlərin işə salınması ilə paralel olaraq şura mərkəz komandasını da aktiv şəkildə genişləndirir. Əsas vəzifələr üzrə ixtisas tələbləri müəyyən edilib, əsas mövqelər üzrə müraciətlərin qəbulu açılıb. Artıq bütün mərkəz üzrə işçi qəbulu prosesi gedir, o cümlədən beynəlxalq səviyyədə tanınmış ixtisasa malik Beynəlxalq Mübahisələrin Həlli Mərkəzinin sədri və hakimlərinin seçimi aparılır. İlkin heyəti yeniləyəcək və şuranı gücləndirəcək beynəlxalq profilli namizədlərin axtarışı davam edir. 2026-cı ilin yayında İssık-Kul gölünün sahilində SFIT-in ilk biznes mərkəzi açılacaq və burada idarəedici şirkətin ofisləri yerləşəcək. Bu, bizneslə rəsmi fəaliyyətin başlanğıcı və ilk rezidentlərin qəbulunun başlanması olacaq. "Tamçı" SFIT Mərkəzi Asiyaya yönələn beynəlxalq kapital üçün əlverişli yurisdiksiya kimi yaradılır: ingilis ümumi hüququ prinsiplərinə əsaslanan, müstəqil məhkəmə sistemi ilə xidmət göstərilən və investorların aparıcı maliyyə mərkəzlərindən gözlədiyi standartlar üzrə fəaliyyət göstərən bir platforma olacaq", - deyə Şura sədri Ayaz Bayetov bildirib. "İssık-Kul regionun ən böyük bazarlarının - Mərkəzi Asiyanın, Çinin və Yaxın Şərqin kəsişməsində yerləşir. Bununla yanaşı, beynəlxalq səviyyəli ən yaxın maliyyə mərkəzi buradan minlərlə kilometr uzaqdadır. Şirkətlər şəffaf qaydaların, peşəkar komandanın və müstəqil arbitrajın fəaliyyət göstərdiyi yurisdiksiyaları seçirlər. Biz məhz belə bir infrastrukturu burada sıfırdan qururuq - regionun artan iqtisadi inteqrasiyasını dəstəkləmək üçün kritik əhəmiyyət daşıyan bir halqa kimi", - deyə "Tamçı" SFIT İdarəetmə Şurasının sədr müavini Əli İcaz Əhməd qeyd edib.
{{gallery}}