Dünya
Türkmənistana ICESCO-da müşahidəçi statusu verildi
Türkmənistan İslam Dünyası Təhsil, Elm və Mədəniyyət Təşkilatında (ICESCO) müşahidəçi dövlət statusuna layiq görülüb. Oxu.Az xəbər verir ki, bu barədə Türkmənistan mediası məlumat yayıb. Məlumata əsasən, sözügedən status Mərkəzi Asiya respublikasına Rusiyanın Kazan şəhərində baş tutan ICESCO Baş Konfransının 15-ci sessiyası çərçivəsində təqdim olunub. ICESCO İslam Əməkdaşlıq Təşkilatının dəstəyi ilə fəaliyyət göstərən və özündə 53 ölkəni birləşdirən ixtisaslaşmış hökumətlərarası qurumdur.
Mənbə
oxu.az
