İqtisadiyyat
Dünya bazarında qızıl ucuzlaşır: Füçerslərin dəyəri düşdü
"Comex" ticarət birjasında 2026-cı ilin iyununda tədarük ediləcək qızıl füçerslərinin dəyəri 2026-cı il mayın 5-dən bu yana ilk dəfə olaraq bir trua unsiyasına görə 4 600 dollardan aşağı səviyyəyə enib. Oxu.Az xəbər verir ki, bu göstəricilər birja platformasının rəsmi rəqəmlərində öz əksini tapıb. Bakı vaxtı ilə saat 09:08-də əldə edilən rəqəmlərə əsasən, qızılın dəyəri 1.9% azalıb və bir trua unsiyası (təqribən 31 qram) üçün 4 596.5 dollar təşkil edib. Bakı vaxtı ilə saat 09:13-də isə füçerslərin ucuzlaşma tendensiyası daha da sürətlənərək, bir trua unsiyasının qiyməti 4 592.6 dollara (-1.98%) qədər azalıb.
Mənbə
oxu.az
