ABŞ erməni əsgərlərə hazırlıq keçdi

Kanzas Milli Qvardiyasının nümayəndələri Ermənistan sülhməramlıları ilə birlikdə əməliyyat planlaşdırması, liderliyin inkişafı və sülhməramlılığa hazırlıq mövzularında ikitərəfli tədbirdə iştirak ediblər.

Axar.az xəbər verir ki, bu barədə ABŞ-ın Ermənistandakı səfirliyi məlumat yayıb.

Bildirilib ki, bu tədbir peşəkarlığın artırılması və beynəlxalq sülhməramlı əməliyyatlara hazırlıq üzrə davam edən səylərin bir hissəsi olaraq Ermənistan Sülhməramlı Briqadasının 2-ci Batalyonunun imkanlarını inkişaf etdirmək məqsədi daşıyır.

Kanzas Milli Qvardiyasının hərbçiləri sülhməramlı əməliyyatlarda istifadə olunan qabaqcıl hərbi planlaşdırma üsullarını, komandanlıq səviyyələri arasında koordinasiyanı və tibbi yardım planlaşdırmasını təqdim ediblər.