İdman
Dünya çempionatına 34 gün qaldı: ALMANİYA - "Bundestim" - VİDEO
Almaniya milli komandası futbol dünyasının ən uğurlu və köklü komandalarından biridir. Kanada, Meksika və Amerika Birləşmiş Ştatlarının ortaq ev sahibliyi edəcəyi 2026-cı il dünya çempionatı Almaniya milli komandasının ardıcıl 19-cu, ümumilikdə isə 21-ci turniri olacaq. İndiyədək dörd dəfə Dünya Kubokunu başı üzərinə qaldıran və səkkiz dəfə 1/4 finala yüksəlməklə bu sahədə rekorda sahib olan "Bundestim" həm DÇ-2018, həm də DÇ-2022-də qrup mərhələsini adlaya bilməmişdi. "Bundestim" (almanca: die Mannschaft və ya Bundesteam) alman dilindən tərcümədə "Federal komanda" mənasını verir və Almaniya milli futbol komandası üçün istifadə olunan ləqəbdir. İndi isə komanda Şimali Amerikada bu son uğursuzluqları geridə qoymağa iddialıdır. Yulian Nagelsmanın rəhbərlik etdiyi heyət seçmə mərhələdəki zəif başlanğıcdan sonra toparlanmağı bacarsa da, 2024-cü ildə başlayan heyət dəyişikliklərinə görə komanda hələ də keçid dövrünü yaşayır. Oxu.Az Almaniya futbolunun keçmişinə, bu gününə və 2026-cı il gözləntilərinə nəzər salır.
Nagelsman 2023-cü ilin sentyabrında Hans Flikin işdən çıxarılmasından sonra baş məşqçi təyin olunmuşdu və onun ev sahibliyi etdikləri AVRO-2024-ə hazırlaşmaq üçün çox az vaxtı qalmışdı. Əvvəlcə yalnız turnirin sonuna qədər vəzifəyə gətirilən mütəxəssis Avropa çempionatı başlamazdan əvvəl müqaviləsini 2026-cı ilə qədər uzatmışdı. Daha sonra isə Almaniya Futbol İttifaqı (DFB) ilə AVRO-2028 də daxil olmaqla üçüncü müqaviləsini imzalayıb. DFB-nin təklifini qəbul etməzdən əvvəl "Hoffenhaym", "Leypziq" və "Bavariya"da uğurlu dövrlər keçirən 38 yaşlı mütəxəssis Almaniya tarixinin ən gənc baş məşqçisidir. O öz komandalarına yüksək taktiki çeviklik aşılaması ilə tanınır, lakin milli komandadakı fəaliyyəti ərzində indiyədək daha çox nəzarətə dayanan, aqressiv pressinq oyun üslubuna üstünlük verib. Nagelsmanın rəhbərliyi altında Almaniya topa sahib olarkən Flik dövrünə nisbətən daha az risk edir və müdafiədə daha etibarlı təsir bağışlayır, lakin məqsədyönlü sürətli keçidlər komandanın əsas xüsusiyyəti olaraq qalır. Almaniyanın ilk dünya çempionatı Almaniya dünya çempionatında debütünü 1934-cü ildə İtaliyada etmiş və dərhal mükafatçılar sırasına düşməyi bacarmışdı. Turində Belçikanı 5:2 hesabı ilə məğlub edərək turnirə möhtəşəm başlayan komanda 1/4 finalda İsveç üzərində 2:1 hesablı qələbə ilə yarımfinala yüksəlmiş, lakin burada Çexoslovakiyaya 1:3 hesabı ilə məğlub olmuşdu. Daha sonra üçüncü yer uğrunda matçda Avstriyanı 3:2 hesabı ilə üstələyən komanda ilk dünya çempionatı iştirakında bürünc medal qazanmışdı. Almaniyanın son dünya çempionatı Almanların DÇ-2022-də turnir yolu dörd il əvvəl Rusiyada olduğu kimi, Qətərdə də qrup mərhələsinin sonunda dayanmışdı. Gözlənilməz nəticələrlə dolu E qrupunda Almaniya İlkay Gündoğanın penaltidən vurduğu qolla önə keçməsinə baxmayaraq, Yaponiyaya 1:2 hesabı ilə məğlub olmuşdu. İkinci oyunda İspaniya ilə 1:1 hesablı heç-heçə ilə növbəti mərhələyə adlamaq şanslarını qoruyub saxlamışdı. Sonuncu matçda Almaniya geridönüş edərək Kosta-Rikanı 4:2 hesabı ilə məğlub etsə də, eyni vaxtda Yaponiyanın İspaniyanı 2:1 hesabı ilə məğlub etməsi bu qələbəni əhəmiyyətsiz etmişdi. Nəticədə almanlar üçüncü yerdə qərarlaşaraq turnirlə vidalaşmışdılar.
Almaniyanın ən yaxşı dünya çempionatı Almaniya dörd dəfə Dünya Kubokunu qazansa da, baş məşqçi Zepp Herbergerin 1954-cü ildə İsveçrədə keçirilən dünya çempionatında Frits Valterin kapitanlıq etdiyi komandanı sürpriz şəkildə ilk çempionluğa daşıdığı "Bern möcüzəsi" hələ də ən böyük zəfər hesab olunur. Almanlar Macarıstana qarşı final oyununa açıq autsayder kimi çıxmışdılar, xüsusən də qrup mərhələsində eyni rəqibə 3:8 hesabı ilə uduzduqları üçün. Herbergerin komandası finalın ilk on dəqiqəsində iki qol buraxsa da, Maks Morlok və Helmut Rahnın qolları ilə tezliklə hesabı bərabərləşdirmişdi. Macarların aramsız hücum dalğalarına birtəhər tab gətirən komanda, 84-cü dəqiqədə Rahnın oyunun beşinci və həlledici qolunu vurması ilə tarix yazmışdı.
Almaniya DÇ-2026-ya necə vəsiqə qazanıb? Almaniya Dünya Çempionatına vəsiqəni 2025-ci ilin noyabrında keçirilən son seçmə oyununda təmin etmişdi. A qrupunda Slovakiya, Şimali İrlandiya və Lüksemburqu qabaqlayan komanda, altı oyunda beş qələbə qazanaraq 16 qol vurmuş və cəmi 3 qol buraxmışdı. Bratislavada keçirilən ilk oyunda alınan 0:2 hesablı məğlubiyyətdən sonra komanda davamlı olaraq oyununu inkişaf etdirmiş və təsnifat mərhələsini son ev oyununda slovaklar üzərində 6:0 hesablı möhtəşəm qələbə ilə yekunlaşdırmışdı. Seçmə mərhələ ərzində Nagelsman bir neçə potensial əsas heyət oyunçusunun xidmətindən məhrum olmuşdu. Camal Musiala, Kay Haverts, Niklas Füllkruq, Tim Klayndinst, Benjamin Henrixs, Antonio Rüdiger və qapıçı Mark-Andre ter Ştegen zədə səbəbindən ya bütün təsnifat mərhələsini buraxmış, ya da uzun müddət yaşıl meydanlardan uzaq qalmışdılar.
DÇ-2026-da Almaniyanın oyun cədvəli (Bakı vaxtı ilə) Almaniya DÇ-2026-da E qrupunda Kot-d'Ivuar, Ekvador və Kürasao millilərinə qarşı mübarizə aparacaq. E qrupu: 14 iyun, 21:00, Almaniya - Kürasao (Hyuston stadionu); 21 iyun, 00:00, Almaniya - Kot-d'Ivuar (Toronto stadionu); 26 iyun, 00:00, Ekvador - Almaniya (Nyu-Cersi stadionu).
Almaniyanın dünya çempionatlarında ən çox qol vuran oyunçusu Miroslav Kloze 2014-cü ildən bəri Almaniyanın dünya çempionatlarında qol rekordunu əlində saxlayır. Hazırda "Nürnberq"in baş məşqçisi olan Kloze dörd dünya çempionatında 16 qol vuraraq həm 2014-cü ildə kuboku qazanıb, həm Qerd Müllerə (14) məxsus əvvəlki Almaniya rekordunu qırıb, həm də braziliyalı Ronaldonu geridə qoyaraq dünya çempionatları tarixinin ən yaxşı bombardiri adına yiyələnib. Kloze, həmçinin 2006-cı ildə öz vətənində keçirilən dünya çempionatında beş qolla bombardirlər siyahısına başçılıq edərək "Qızıl buts" mükafatına da sahib olub.
Almaniyanın dünya çempionatlarında ən çox oyun keçirən futbolçuları Aktivində 25 oyunu olan Lotar Matteus bu qlobal turnirdə Almaniyanın ən çox forma geyinən futbolçusudur. Yarımmüdafiəçi beş dünya çempionatında (1982, 1986, 1990, 1994, 1998) iştirak edib və 1982-ci ildə turnirdə 21 yaşında debüt edib. O, 1990-cı ildə İtaliyada komandasına kapitan kimi çempionluq qazandırıb və sonuncu dünya çempionatı matçına 1998-ci ildə 37 yaşında çıxıb. Matteus 25 oyunu ilə uzun müddət dünya rekordunu da əlində saxlayıb, ta ki 2022-ci ildə Lionel Messi onu geridə qoyana qədər.
Almaniyanın dünya çempionatlarındakı ən böyük qələbəsi Almaniyanın dünya çempionatlarındakı ən inamlı zəfəri DÇ-2002-nin qrup mərhələsinə təsadüf edir. Komanda açılış matçında Səudiyyə Ərəbistanını 8:0 hesabı ilə darmadağın etmişdi. Kloze başla üç qol vurmuş, Mixael Ballak da adını tabloya yazdıraraq komandanın finala gedən yolunun təməlini qoymuşdular.
Almaniyanın dünya çempionatlarındakı unudulmaz anları Almaniyanın dünya çempionatlarında ən unudulmaz çıxışı, yəqin ki, 2014-cü ilin yarımfinalında ev sahibi Braziliya üzərində qazanılan 7:1 hesablı qələbədir. Belu-Orizontidə matçın ilk 30 dəqiqəsi ərzində 5:0 önə keçən komanda yarımfinallar üçün yeni rekord müəyyən etmişdi.
Almaniyanın parlaq dünya çempionatı tarixi digər unudulmaz anlarla da zəngindir. Buna misal olaraq 1970-ci ildə Mexiko şəhərində keçirilən və "Əsrin oyunu" adlandırılan dramatik yarımfinal oyununu göstərmək olar. Həmin matçda İtaliya əlavə vaxtdan sonra 4:3 hesabı ilə qalib gəlmişdi. 1982-ci ildəki "Sevilya gecəsi" isə futbol folkloruna daxil olan daha bir oyundur. Qərbi Almaniya Fransa ilə yarımfinalın əlavə vaxtında 3:1 geridə olsa da, son anlarda vurduğu iki qolla hesabı bərabərləşdirmiş və dünya çempionatı tarixindəki ilk penaltilər seriyasında qalib gəlmişdi. Almaniyada keçirilən (2006) dünya çempionatı isə əsl futbol festivalı olmuşdu. Ev sahibi ölkədə "Yay nağılı" kimi tanınan turnir, rəngarəng azarkeş yürüşləri və isti hava şəraiti ilə xatırlanır. Almaniya bəzi həyəcanverici matçların iştirakçısı olsa da, nəhayət, ən böyük titul uğrunda mübarizədə möhtəşəm yarımfinal oyununda İtaliyaya məğlub olmuş, lakin ən azından üçüncü yer uğrunda matçda bürünc medalla təsəlli tapmışdı.
Almaniya millisi Şimali Amerikaya sadəcə qrupdan çıxmaq üçün deyil, İtaliya və Braziliya ilə ulduz sayını bərabərləşdirmək üçün gedir. Nagelsmanın taktiki zəkası və gənc ulduzların enerjisi "Bundestim"i yenidən dünyanın zirvəsinə daşımağa kifayət edəcək?
Nagelsman 2023-cü ilin sentyabrında Hans Flikin işdən çıxarılmasından sonra baş məşqçi təyin olunmuşdu və onun ev sahibliyi etdikləri AVRO-2024-ə hazırlaşmaq üçün çox az vaxtı qalmışdı. Əvvəlcə yalnız turnirin sonuna qədər vəzifəyə gətirilən mütəxəssis Avropa çempionatı başlamazdan əvvəl müqaviləsini 2026-cı ilə qədər uzatmışdı. Daha sonra isə Almaniya Futbol İttifaqı (DFB) ilə AVRO-2028 də daxil olmaqla üçüncü müqaviləsini imzalayıb. DFB-nin təklifini qəbul etməzdən əvvəl "Hoffenhaym", "Leypziq" və "Bavariya"da uğurlu dövrlər keçirən 38 yaşlı mütəxəssis Almaniya tarixinin ən gənc baş məşqçisidir. O öz komandalarına yüksək taktiki çeviklik aşılaması ilə tanınır, lakin milli komandadakı fəaliyyəti ərzində indiyədək daha çox nəzarətə dayanan, aqressiv pressinq oyun üslubuna üstünlük verib. Nagelsmanın rəhbərliyi altında Almaniya topa sahib olarkən Flik dövrünə nisbətən daha az risk edir və müdafiədə daha etibarlı təsir bağışlayır, lakin məqsədyönlü sürətli keçidlər komandanın əsas xüsusiyyəti olaraq qalır. Almaniyanın ilk dünya çempionatı Almaniya dünya çempionatında debütünü 1934-cü ildə İtaliyada etmiş və dərhal mükafatçılar sırasına düşməyi bacarmışdı. Turində Belçikanı 5:2 hesabı ilə məğlub edərək turnirə möhtəşəm başlayan komanda 1/4 finalda İsveç üzərində 2:1 hesablı qələbə ilə yarımfinala yüksəlmiş, lakin burada Çexoslovakiyaya 1:3 hesabı ilə məğlub olmuşdu. Daha sonra üçüncü yer uğrunda matçda Avstriyanı 3:2 hesabı ilə üstələyən komanda ilk dünya çempionatı iştirakında bürünc medal qazanmışdı. Almaniyanın son dünya çempionatı Almanların DÇ-2022-də turnir yolu dörd il əvvəl Rusiyada olduğu kimi, Qətərdə də qrup mərhələsinin sonunda dayanmışdı. Gözlənilməz nəticələrlə dolu E qrupunda Almaniya İlkay Gündoğanın penaltidən vurduğu qolla önə keçməsinə baxmayaraq, Yaponiyaya 1:2 hesabı ilə məğlub olmuşdu. İkinci oyunda İspaniya ilə 1:1 hesablı heç-heçə ilə növbəti mərhələyə adlamaq şanslarını qoruyub saxlamışdı. Sonuncu matçda Almaniya geridönüş edərək Kosta-Rikanı 4:2 hesabı ilə məğlub etsə də, eyni vaxtda Yaponiyanın İspaniyanı 2:1 hesabı ilə məğlub etməsi bu qələbəni əhəmiyyətsiz etmişdi. Nəticədə almanlar üçüncü yerdə qərarlaşaraq turnirlə vidalaşmışdılar.
Almaniyanın ən yaxşı dünya çempionatı Almaniya dörd dəfə Dünya Kubokunu qazansa da, baş məşqçi Zepp Herbergerin 1954-cü ildə İsveçrədə keçirilən dünya çempionatında Frits Valterin kapitanlıq etdiyi komandanı sürpriz şəkildə ilk çempionluğa daşıdığı "Bern möcüzəsi" hələ də ən böyük zəfər hesab olunur. Almanlar Macarıstana qarşı final oyununa açıq autsayder kimi çıxmışdılar, xüsusən də qrup mərhələsində eyni rəqibə 3:8 hesabı ilə uduzduqları üçün. Herbergerin komandası finalın ilk on dəqiqəsində iki qol buraxsa da, Maks Morlok və Helmut Rahnın qolları ilə tezliklə hesabı bərabərləşdirmişdi. Macarların aramsız hücum dalğalarına birtəhər tab gətirən komanda, 84-cü dəqiqədə Rahnın oyunun beşinci və həlledici qolunu vurması ilə tarix yazmışdı.
Almaniya DÇ-2026-ya necə vəsiqə qazanıb? Almaniya Dünya Çempionatına vəsiqəni 2025-ci ilin noyabrında keçirilən son seçmə oyununda təmin etmişdi. A qrupunda Slovakiya, Şimali İrlandiya və Lüksemburqu qabaqlayan komanda, altı oyunda beş qələbə qazanaraq 16 qol vurmuş və cəmi 3 qol buraxmışdı. Bratislavada keçirilən ilk oyunda alınan 0:2 hesablı məğlubiyyətdən sonra komanda davamlı olaraq oyununu inkişaf etdirmiş və təsnifat mərhələsini son ev oyununda slovaklar üzərində 6:0 hesablı möhtəşəm qələbə ilə yekunlaşdırmışdı. Seçmə mərhələ ərzində Nagelsman bir neçə potensial əsas heyət oyunçusunun xidmətindən məhrum olmuşdu. Camal Musiala, Kay Haverts, Niklas Füllkruq, Tim Klayndinst, Benjamin Henrixs, Antonio Rüdiger və qapıçı Mark-Andre ter Ştegen zədə səbəbindən ya bütün təsnifat mərhələsini buraxmış, ya da uzun müddət yaşıl meydanlardan uzaq qalmışdılar.
DÇ-2026-da Almaniyanın oyun cədvəli (Bakı vaxtı ilə) Almaniya DÇ-2026-da E qrupunda Kot-d'Ivuar, Ekvador və Kürasao millilərinə qarşı mübarizə aparacaq. E qrupu: 14 iyun, 21:00, Almaniya - Kürasao (Hyuston stadionu); 21 iyun, 00:00, Almaniya - Kot-d'Ivuar (Toronto stadionu); 26 iyun, 00:00, Ekvador - Almaniya (Nyu-Cersi stadionu).
Almaniyanın dünya çempionatlarında ən çox qol vuran oyunçusu Miroslav Kloze 2014-cü ildən bəri Almaniyanın dünya çempionatlarında qol rekordunu əlində saxlayır. Hazırda "Nürnberq"in baş məşqçisi olan Kloze dörd dünya çempionatında 16 qol vuraraq həm 2014-cü ildə kuboku qazanıb, həm Qerd Müllerə (14) məxsus əvvəlki Almaniya rekordunu qırıb, həm də braziliyalı Ronaldonu geridə qoyaraq dünya çempionatları tarixinin ən yaxşı bombardiri adına yiyələnib. Kloze, həmçinin 2006-cı ildə öz vətənində keçirilən dünya çempionatında beş qolla bombardirlər siyahısına başçılıq edərək "Qızıl buts" mükafatına da sahib olub.
Almaniyanın dünya çempionatlarında ən çox oyun keçirən futbolçuları Aktivində 25 oyunu olan Lotar Matteus bu qlobal turnirdə Almaniyanın ən çox forma geyinən futbolçusudur. Yarımmüdafiəçi beş dünya çempionatında (1982, 1986, 1990, 1994, 1998) iştirak edib və 1982-ci ildə turnirdə 21 yaşında debüt edib. O, 1990-cı ildə İtaliyada komandasına kapitan kimi çempionluq qazandırıb və sonuncu dünya çempionatı matçına 1998-ci ildə 37 yaşında çıxıb. Matteus 25 oyunu ilə uzun müddət dünya rekordunu da əlində saxlayıb, ta ki 2022-ci ildə Lionel Messi onu geridə qoyana qədər.
Almaniyanın dünya çempionatlarındakı ən böyük qələbəsi Almaniyanın dünya çempionatlarındakı ən inamlı zəfəri DÇ-2002-nin qrup mərhələsinə təsadüf edir. Komanda açılış matçında Səudiyyə Ərəbistanını 8:0 hesabı ilə darmadağın etmişdi. Kloze başla üç qol vurmuş, Mixael Ballak da adını tabloya yazdıraraq komandanın finala gedən yolunun təməlini qoymuşdular.
Almaniyanın dünya çempionatlarındakı unudulmaz anları Almaniyanın dünya çempionatlarında ən unudulmaz çıxışı, yəqin ki, 2014-cü ilin yarımfinalında ev sahibi Braziliya üzərində qazanılan 7:1 hesablı qələbədir. Belu-Orizontidə matçın ilk 30 dəqiqəsi ərzində 5:0 önə keçən komanda yarımfinallar üçün yeni rekord müəyyən etmişdi.
Almaniyanın parlaq dünya çempionatı tarixi digər unudulmaz anlarla da zəngindir. Buna misal olaraq 1970-ci ildə Mexiko şəhərində keçirilən və "Əsrin oyunu" adlandırılan dramatik yarımfinal oyununu göstərmək olar. Həmin matçda İtaliya əlavə vaxtdan sonra 4:3 hesabı ilə qalib gəlmişdi. 1982-ci ildəki "Sevilya gecəsi" isə futbol folkloruna daxil olan daha bir oyundur. Qərbi Almaniya Fransa ilə yarımfinalın əlavə vaxtında 3:1 geridə olsa da, son anlarda vurduğu iki qolla hesabı bərabərləşdirmiş və dünya çempionatı tarixindəki ilk penaltilər seriyasında qalib gəlmişdi. Almaniyada keçirilən (2006) dünya çempionatı isə əsl futbol festivalı olmuşdu. Ev sahibi ölkədə "Yay nağılı" kimi tanınan turnir, rəngarəng azarkeş yürüşləri və isti hava şəraiti ilə xatırlanır. Almaniya bəzi həyəcanverici matçların iştirakçısı olsa da, nəhayət, ən böyük titul uğrunda mübarizədə möhtəşəm yarımfinal oyununda İtaliyaya məğlub olmuş, lakin ən azından üçüncü yer uğrunda matçda bürünc medalla təsəlli tapmışdı.
Almaniya millisi Şimali Amerikaya sadəcə qrupdan çıxmaq üçün deyil, İtaliya və Braziliya ilə ulduz sayını bərabərləşdirmək üçün gedir. Nagelsmanın taktiki zəkası və gənc ulduzların enerjisi "Bundestim"i yenidən dünyanın zirvəsinə daşımağa kifayət edəcək?
Mənbə
oxu.az
