Çin istehsalı termoslar təhlükə saçır: ABŞ-də üç nəfər görmə qabiliyyətini itirdi

Birləşmiş Ştatlarda Çin istehsalı olan termoslarda yaranan texniki qüsur üç vətəndaşın görmə qabiliyyətini itirməsinə gətirib çıxarıb. Aşkar edilib ki, müəyyən modellərin qapaqları artan təzyiq nəticəsində qəfil ataraq insanlara ağır xəsarətlər yetirib. Oxu.Az xəbər verir ki, bu barədə "Oddity Central" nəşri alıcıların rəsmi şikayətlərinə əsaslanaraq məlumat paylaşıb. "Thermos" şirkətindən verilən açıqlamaya əsasən, həmin texniki nasazlıq bir neçə fərqli məhsul seriyasında tapılıb. Bu termosların dizaynında təzyiqi tənzimləyən klapanın olmaması səbəbindən isti qidaların uzun müddət saxlanılması qapağın böyük sürətlə yerindən fırlamasına yol açır. Ümumilikdə kəsik xəsarətləri alan zərərçəkmişlərdən 27 müraciət qeydə alınıb. Həkimlər üç xəstədə görmə qabiliyyətinin tamamilə itirildiyini təsdiqləyiblər. Yaranmış vəziyyətlə əlaqədar "Thermos" 2008 və 2024-cü illər aralığında reallaşdırılan 8 milyondan çox oxşar qabın satışdan geri çağırıldığını bəyan edib. İstehsalçı firma mövcud dizayn səhvinin təhlükəli yaralanmalara səbəb olma ehtimalını qəbul edib. Hazırda şirkət təzminat tələblərini sadəcə ABŞ ərazisindəki müştərilər üçün keçərli sayır.