SEPAH: "ABŞ pilotu əsir götürülüb və axtarış helikopteri vurulub" - VİDEO

İslam İnqilabı Keşikçiləri Korpusu (SEPAH) ABŞ-yə məxsus ikinci F-35 qırıcı təyyarəsini vurduqlarını elan etməsinin ardınca onun pilotunun İran qüvvələri tərəfindən əsir götürüldüyünü açıqlayıb. Oxu.Az xəbər verir ki, SEPAH-ın yaydığı məlumata görə, pilot katapult edərək ölkə ərazisinə eniş edib. Bundan sonra ABŞ tərəfi onu təxliyə etməyə cəhd göstərib. Daha əvvəl SEPAH-ın mətbuat xidməti qırıcının tamamilə darmadağın edildiyini açıqlayıb. Qeyd olunub ki, bu, son 12 saat ərzində ABŞ-nin Hərbi Hava Qüvvələrinə məxsus vurulan ikinci təyyarədir. Bununla yanaşı SEPAH ölkənin cənubundakı Xuzistan əyalətində axtarış-xilasetmə əməliyyatına cəlb olunan "Hercules" təyyarəsinin və ABŞ-yə məxsus olduğu ehtimal edilən "Black Hawk" helikopterinin görüntülərini yayımlayıb. Habelə Amerikaya məxsus "Black Hawk UH-60" vertolyotunun İranın Lordeqan ərazisində qəzaya uğradığı açıqlanıb.