İsrail ordusunun ən böyük nəqliyyat qovşağı vuruldu

16:06

İsrail Müdafiə Qüvvələri İrandan raket buraxılışlarının qeydə alındığını bildirib.

Axar.az xəbər verir ki, bu barədə İsrail mediası məlumat yayıb.

Bu, günün əvvəlindən İran tərəfindən İsrailə doğru dördüncü raket hücumudur.

Bildirilib ki, Təl-Əvivdə hava həyəcanı siqnalı işə salınıb, səmada partlayış səsləri eşidilib.

Raketlərin düşməsi və ya xəsarət alanlar barədə məlumat daxil olmayıb.

***

İran İsrail Müdafiə Qüvvələrinin Təl-Əvivdəki nəqliyyat mərkəzinə pilotsuz uçuş aparatları (PUA) ilə zərbə endirib.

Bu barədə İranın İSNA agentliyi məlumat yayıb.

"İsrail Müdafiə Qüvvələrinin dəstək bazası və ən böyük nəqliyyat qovşağı İran pilotsuz uçuş aparatlarının zərbələrinə məruz qalıb", - agentlik bildirib.

Qeyd edək ki, daha əvvəl İranın İsrailin mərkəzində yerləşən Modiin şəhəri ətrafındakı hərbi hədəflərə pilotsuz uçuş aparatları (PUA) və raketlərlə zərbələr endirməsi ilə bağlı məlumat yayılmışdı.