Dünya
KİV: Havay adalarında daşqın səbəbindən beş mindən çox şəxsin təxliyəsi elan edilib
ABŞ-nin Havay ştatında təxminən 5 500 sakin daşqın səbəbindən təxliyə əmri alıb. Oxu.Az xəbər verir ki, bu barədə "Associated Press" agentliyi məlumat yayıb. Təxliyə göstərişi Honolulu şəhərinin şimalında yaşayan insanlara şamil olunub. Qeyd olunub ki, leysanın səbəb olduğu daşqın nəticəsində onlarla evə ziyan dəyib. Yerli hökumət orqanları 120 il əvvəl tikilmiş bəndin dağılması ehtimalından ehtiyat edir. Ştatın qubernatoru Coş Qrin ümumi ziyanın bir milyard dollardan çox ola biləcəyini bildirib.
Mənbə
oxu.az
