Avropa ordusunun yaradılması çox təhlükəlidir - Kallas

NATO-dan ayrı bir AB ordusunun yaradılması son dərəcə təhlükəli ola bilər.

Axar.az xəbər verir ki, bunu AB-nin xarici əlaqələr üzrə ali nümayəndəsi Kaya Kallas deyib.

O bildirib ki, bu, böhranlı vəziyyətlərdə komandanlıq zəncirinin pozulmasına səbəb ola bilər.

Kallasın sözlərinə görə, hər hansı bir hərbi böhranda əsas prioritet aydın komandanlıq strukturunun qorunmasıdır:

"Əgər siz artıq NATO-nun bir hissəsisinizsə, artıq mövcud olduğunuz ordudan ayrı bir ordu yarada bilməzsiniz. Çünki böhranda ən vacib şey komandanlıq zənciridir: kim kimə əmr verir. Əgər Avropa ordusu və NATO ordusu varsa, “top sadəcə stulların arasına düşür” və bu, olduqca təhlükəlidir. Buna görə də deyirəm ki, biz NATO-nun bir hissəsi olan Avropanın müdafiəsini gücləndirməliyik. Bu, həqiqətən də NATO-nu tamamlayır. Gəlin, NATO-nu pəncərədən atmayaq", Kallas qeyd etdi.