Tramp bunu iki lider üçün etdi: İlham Əliyev və Zelenski...
ABŞ Prezidenti Donald Trampla protokol çərçivəsində birgə şəkil çəkdirmək daxili PR baxımından vacibdir. Lakin bu, Davosda Ermənistanın baş naziri ilə Tramp arasında görüşün olmaması faktını ört-basdır etmək üçündür.
Axar.az Globalinfo.az-a istinadən xəbər verir ki, bunu erməni siyasi şərhçi Suren Sərkisyan deyib.
O qeyd edib ki, Trampın Azərbaycan Prezidenti İlham Əliyevlə görüş keçirdiyi halda Ermənistanın baş naziri ilə təkbətək görüşməməsi anlaşılmazdır.
S.Sərkisyanın sözlərinə görə, ABŞ adətən regional balansı qorumağa çalışır:
“Tramp və Əliyev görüş zamanı TRIPP təşəbbüsünü də müzakirə ediblər. Davos İqtisadi Forumu çərçivəsində Tramp cəmi iki liderlə ikitərəfli görüş keçirib — Azərbaycan Prezidenti İlham Əliyev və Ukrayna Prezidenti Vladimir Zelenski ilə”.
