Bəzi memarlıq abidələrinin yerləşmə ünvanlarının adı dəyişdirilib

"Dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında" qərara dəyişiklik edilib. Oxu.Az xəbər verir ki, bu barədə Baş nazir Əli Əsədov qərar imzalayıb. Qərara əsasən, ölkə əhəmiyyətli daşınmaz tarix və mədəniyyət abidələrinin siyahısında dəyişiklik edilib. Belə ki, "Memarlıq abidələri" bölməsində Cuğa sözü Gülüstan ilə əvəz edilib. Həmçinin Xocavənd rayonu üzrə dəyişikliklər aşağıdakı kimidir: Traxtik - Zoğalbulaq Sakuri - Hünərli Süsənlik - Susanlıq Xsaberd - Çaylaqqala Sur - Sor Mestağlar - Böyük Tağlar Qavaxan - Gavahın Qatsi - Çörəkli Maçqalaşen -Cütçü Sitoraşen - Şıx Dursun Tağavard - Tağaverd Niki - Cəmiyyət Xocalı rayonu üzrə: Çanaxçı - Çanaqçı Xansıx - Xanyeri Maşxmaat - Baharlı Anabert - Xanabad Tovuz rayonu üzrə: Kirzan - Hunanlar Culfa rayonu üzrə: Əbrəqunis - Əbrəqunus Kirnə - Kırna Camaldin - Camaldın "Gülüstan" Tarix-Mədəniyyət Qoruğu üzrə Cuğa -Gülüstan Ordubad rayonu üzrə Dər - Darkənd Məlik Məlikov