Dünya
Polşa prezidenti Latviyada çirkli avtomobillə qarşılandı
Polşa Prezidenti Karol Navrotskinin Latviyaya dövlət səfəri qalmaqalla başlayıb. Oxu.Az "Sputnik"ə istinadən xəbər verir ki, Polşa lideri üçün ayrılan və Riqa hava limanına gələn avtomobilin çirkli olması diqqət çəkib. Polşa Xarici İşlər Nazirliyinin sözçüsü Matsey Veviorsun sözlərinə görə, yüksəkvəzifəli məmurlar üçün nəqliyyat ev sahibi ölkə tərəfindən təmin edilir. Latviya tərəfi avtomobilin ani yağış səbəbindən çirkləndiyini və Riqa hava limanında avtomobilyuma məntəqəsinin olmadığını bildirib.
Mənbə
oxu.az
