İdman
Ukrayna Rusiyaya görə cərimələndi
UEFA Ukrayna Futbol Assosiasiyasını 15 min avro məbləğində cərimələyib.
Axar.az xəbər verir ki, bu barədə UEFA-nın mətbuat xidməti məlumat yayıb.
Qeyd olunub ki, 2026-cı il dünya çempionatının seçmə mərhələsində Ukraynanın İslandiya ilə keçirilən oyununda azarkeşlərdən birinin “Russia is a terrorist state” yazılı banner açmasına görə cərimə tətbiq edilib.
“Bu banner idman tədbirində qəbuledilməzdir”, - məlumatda vurğulanıb.
Həmçinin azarkeşlərin meydana daxil olmasına görə Ukrayna FA 10 min avro, pirotexnikadan istifadəyə görə isə 9 min avro cərimə ödəməli olacaq.
Mənbə
axar.az
