Digər
Putin Tramp və Szinpinə görüş təklif etdi
Rusiya Prezidenti Vladimir Putin ABŞ və Çin liderlərinə gələn ay görüşərək Ukraynadakı münaqişənin həlli yollarını müzakirə etməyi təklif edib.
Axar.az xəbər verir ki, bu barədə “Voll Strit Jurnal” Rusiya kəşfiyyatının keçmiş əməkdaşı və ABŞ-ın yüksək vəzifəli rəsmisinə istinadla məlumat yayıb.
Rusiya kəşfiyyatının keçmiş əməkdaşının sözlərinə görə, Putin bu ideyanı oktyabrın 9-da ABŞ prezidenti ilə telefon danışığı zamanı səsləndirib.
ABŞ-ın yüksək vəzifəli rəsmisi isə bildirib ki, Ağ Ev rəhbəri hələlik sammitin keçirilməsinə razılıq verməyib:
“Bununla belə, ABŞ prezidentinin seçkiqabağı vədini yerinə yetirmək və münaqişəni həll etmək istəyini nəzərə alsaq, Tramp bu ideyaya müsbət yanaşa bilər”.
Mənbə
axar.az
