"Fənərbağça" - "Alanyaspor" matçında böyükhesablı qələbə: Lukaku ilk qolunu vurdu - Video

Türkiyə Superliqasının VIII turunda "Fənərbağça" doğma meydanda "Alanyaspor"u 3:0 hesabı ilə məğlub edib. Oxu.Az xəbər verir ki, matçın 18-ci dəqiqəsində Fatih Aksoyun cərimə meydançasında Levent Mercana qarşı qayda pozuntusuna yol verməsindən sonra "Fənərbağça" penalti qazanıb. Topa yaxınlaşan Meyson Qrinvudun zərbəsini qapıçı dəf edib. Qayıdan topu İrfan Can Kahveci qapıdan keçirsə də, VAR yoxlanışından sonra qol qeydə alınmayıb.

"Fənərbağça" ilk qolu 40-cı dəqiqədə vurub. Levent Mercanın sol cinahdan ötürməsini Romelu Lukaku cərimə meydançasından endirdiyi zərbə ilə qola çevirərək hesabı açıb. Bu, Lukakunun İstanbul təmsilçisinin heyətində ilk qolu olub. 71-ci dəqiqədə Kerem Aktürkoğlu fərqlənərək hesab arasındakı fərqi iki topa çatdırıb. İkinci hissədə meydana daxil olan Vedat Muriqi isə 87-ci dəqiqədə qol vuraraq matçın yekun hesabını müəyyənləşdirib. Çempionatda ardıcıl üçüncü qələbəsini qazanan "sarı-lacivərtlilər" xallarının sayını 16-ya çatdıraraq turnir cədvəlinin üçüncü pilləsinə yüksəlib. "Alanyaspor" isə 12 xalla səkkizinci sırada qalıb. Qeyd edək ki, Superliqanın IX turunda "Fənərbağça" səfərdə "Qalatasaray"ın qonağı olacaq.